attaveerunneq
Sakkortusaaviup attaveerunnera pissutaalluni KNI-mi Akiliummik akiliisoqarsinnaanngikkallarpoq
Sakkortusaaviup attaveerunnera pissutaalluni mobilimik, telefonimik nalinginnaasumik, internetimik, VHF-imillu Sisimiuni Kangerlussuarmilu attaveqartoqarsinnaanngikkallarpoq
Akiliummik akiliiniarneq Sisimiunit aqunneqartoq atorneqarsinnaanngikkallarpoq Sisimiut eqqaanni sakkortusaaviup attaveerunnera pissutaalluni.
Mobilimik, telefonimik nalinginnaasumik, internetimik, VHF-imik maanna atuisinnaanngillattaaq, kiisalu KNR-imit radiomik aammalu TV-mik tusarnaarsinnaanatillu isiginnaarsinnaanngillat.
Sakkortusaavik dye one juunimi aamma attaveeruttoorpoq, assinganik aamma ajornartorsiuteqartoqarpoq.
- Sunarpiaq ajornartorsiutaanersoq suli paasinngilarput, teknikerilli sakkortusaavimmut apuuteriarpata paasissavarput. Qujanartumik sila ajoquteqanngilaq, pilertortumillu apuunnissaat ilimanarluarpoq, Tele-Postimi teknikeri Karl Erik Birkholm nassuiaavoq.
Pilersaarutit malillugit Dash 8 teknikerit marluk kiisalu taartissat usigalugit Sisimiuliarluni Nuummiit qangattassaaq nal. 11.45. Ingerlavissaq kingulleq helikopterimut ilaalluni ingerlaviussaaq, pilersaarutillu malillugit Qaqqatoqqamut tikissapput nal. 13.10-p missaani.