Skip to main content

Sakkortusaavinnik suliaqarneq kinguaattuussaaq

Sakkortusaaviit Uummannamiit Upernavimmut suliarineqarnera ukioq manna naammassineqarsinnaanissaat Tele-Postip neriuutigisimangaluarpaa, silalu pissutaalluni pilersaarutit allanngortinneqarput.

Ukiaanerani aputeqarujussuarsimanera pissutaalluni sanaartornissaq kinguaattoortariaqartoq juunip qaammataani Tele-Postip paasivaa. Tamatuma kinguneraa sanasut atortussatik sakkortusaaveqarfissanut apuunnissaannut sikumit akornusersorneqarnerat.

Piffissaliussaq nutaaq

Pilersaarutaasimasutulli ukioq manna ajuusaarnaraluartumik naammassineqarsinnaanngitsoq Tele-Post paasissutissiivoq.

- Sanaartortut assut ilungersorput suliniutip aallartinnerani piffissaq annaasartik angummaffiginiarlugu. Naak immikkut
suligaluarluta ajoraluartumik piffissaagallartillugu naammassinissaq iluatsinngilaq, tassa ikkussugassanik suliassat
ukioqqitsinnagu aallartinnissaat. Tamatuma kinguneraa sakkortusaaviit ilaneqarnerata ukioq manna
naammassineqarnissaa ilimananngilluinnarmat. Satellittimiit sakkortusaavinnut nuunneq Upernavimmi sullitatsinnut assut
malunnaateqartussaavoq aamma assut qilanaaraarput suliap naammassivinnissaa, Teknikkimut IT-mullu pisortaq Jonas
Hasselriis tusagassiuutinut nalunaarummi oqarpoq.

Maannakkut sanaartortut sulissutigaat sakkortusaaveqarfissat sisamaasut apeqqinnginnerani naammassinissaat, tassami
taamaalippat sulineq unittariaqarmat.

2018-p aasaanerani naammassiniartoq

Ukiuunera qaangiuppat 2018-imi upernarpat sulineq kiisami naammassineqarsinnaavoq, kiisalu Upernavik 2018-imi aasaanerani sakkortusaavikkut attaveqalissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER