Skip to main content

Sakkortusaavik innaallagiaqaqqilerpoq

Ullumi Attup Uummannaani sakkortusaaveqarfimmi attavik Tele-Postip teknikeriinit attavinitseqqinneqarpoq

Nalunaaqutaq 13.00 missaani Attup Uummannaani sakkortusaaveqarfimmi attavik teknikerinit Tele-Postimeersunit attavinitseqqinneqarpoq, suliffeqarfik Namminersorlutik Oqartussanit pigineqartoq taama ilisimatitsivoq.

Taamaalillutik Attup aamma Nuugaatsiap akornanni sullitatta 2G, 3G, 4G aamma bredbånd atorsinnaaqqilerpaat aammalu radiomik TV-millu tusarnaaqqissinnaalerlutillu isiginnaaqqissinnaanngorput kiisalu timmisartunut umiarsuarnullu attaveqarsinnaaneq atorsinnaaqqilerpoq.

Misissuineq
- Teknikerit suliassaasa maannakkut pingaarnersarilerpaat attaveeruttaqattaannginnissap qulakkeernissaa, aammalu innaallagissap qamittooqqinnginnissaa. Tulliullugu innaallagiaarunnermut pissutaasoq misissussavarput, teknikkimik ingerlatsinermut pisortaq, Kim Hammond Zinck, tusagassiuutinut nalunaarummi oqarpoq.

Teknikerit Ilulissaninngaanniit helikopterimik aallarput nalunaaqutaq qulinut Kangaatsiarli qanillillugulu anori nittaalarlu pissutigalugit utertariaqarsimapput Aasiannullu mittariaqarsimallutik.

Atuaruk: Tele-Postip radiokkut atassuteqaataa sarfaaruteqqasoq

Taartumi timmisoqassanngitsoq
Qujanartumik sila allanngormat helikopteri ajornaquteqanngitsumik Attup Uummannaanut missinnaasimavoq. 
Helikopterip qaamanerinnaani timmeqqusaanera pissutigalugu ajornartorsiut ippassaq iluarsineqarsinnaasimanngilaq.

Atuaruk: Radiop aqqutaanik sarfaaruttoorneq: Qulimiguulik aallartinneqarpoqRadiop aqqutaanik sarfaaruttoorneq: Qulimiguulik aallartinneqarpoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER