iluarsineqarpoq
Sakkortusaavik attavineqqippoq
Sakkortusaavik Dye One attavineqqissimasoq Tele-Post nalunaarpoq
Sisimiut eqqaanniittoq sakkortusaavik Dye One marlunngormat attaveeroqqippoq. Taamaattumillu ilaatigut Akiliut KNI-ip pisiniarfiini atorneqarsinnaajunnaaraluarluni. Sisimiuni Kangerlussuarmilu oqarasuaatit, oqarasuaatit angallattakkat, internetsi, VHF raatiu, KNR TV aamma radio attaveerukkaluarputtaaq.
Tele-Postip marlunngornermi nalunaaqutaq 18.19 nalunaarutigaa sakkortusaavimmi sulisoqareersoq sakkortusaavik attavineqqittoq.
Marlunngornermi attaveerukkaluarpoq.
Attaveqaatitigut unittoornermi Tele-Postikkut attaveqaatit tamarmik eqqorneqarput Kangerlussuarmi Sisimiunilu, kisianni aamma nunap sinneranut eqquivoq, tassami KNI-p nuna tamakkerlugu pisiniarfiinut aamma eqquimmat, Dankort terminal-kkut akiliiniarneq aamma eqqorneqarmat, Tele-Post nalunaarpoq.
Atortorissaarutit nutaat
- Sakkortusaavimmi atortorussaarutit nutaamik taarsersorneqarnikuupput, taamaattumik iterna tamaat tikillugu misissuisoqassooq sooq ajutoorneq pinersoq, Tele-Postimi teknikeri Karl Erik Birkholm nassuiaavoq.
Sakkortusaavik juunip aallartinnerani aamma attaveerukkaluarmat ajornartorsiortitsivoq, tassani aamma KNI-p pisiniarfiutaani nuna tamakkerlugu Akiliummik akiliiniartut akiliisinnaanngimmata.