Skip to main content

Sajuppillatsitsinerit timmisartumit arfineq-pingasoriaammik nipitunerupput

Nipit maligaasaanik sakkortuunik immakkut aallakaatitsilluni misissuinerit arferit uumasullu imarmiut allat peqqissusaannut sakkortuumik sunniuteqarsinnaapput, Greenpeace nalunaarusiamigut mianersoqqussivoq

Issitumi sajuppillatsitsilluni misissuinerit arfernut kinguneqartarnerat pillugu nalunaarusiamik Greenpeace ullumi saqqummiussivoq. Nalunaarusiaq suliarineqarsimavoq Marine Conservation Researchimit.

Tassuuna inerniliisoqarpoq nipit nipit maligaasaanik aallakaatitsilluni misissuinerit, uuliamik ujaasinermi siulliullugit ingerlanneqartartut, arferit tusaasinnaanerat attaveqaqatigiinnerallu ajoquserneqarsinnaapput, nerisassarsiorlutik piniarnerat allanngortissinnaagaat, Issittumilu kinguaassiornerat sunnersinnaagaat.

Nipit arfernernik ersiortitsipput

Periutsip tamatuma kingunerisinnaavaa Issittumi arferit ikinnerulernerat, nalunaarusiami allassimavoq.

– Qularutissaanngilaq sajuppillatsitsilluni misissuinerit arfernut sunniuteqartartut. Tusaasinnaassusiat attaveqaqatigiinnerallu ajoquserneqarsinnaapput, nalinginnaasumik umaffimminnit qimaatinneqarsinnaapput pissusilersornerallu sunnerneqarsinnaalluni, aqqaraangata imaluunniit nerisassarsioraangata, ingerlaartarfiilu sunnerneqarsinnaallutik. Arferit erloqinartumik ajoquserneqarsinnaanerannut ilimanaatillit amerligaluttuinnarput, tamannalu arfernut erloqinartumik akornutaasinnaavoq, ilaatigut kinguaassiornerannut, aammalu immap sikuata ataani puisinnaanatik pisarineqarsinnaallutik imaluunniit nunamut silusinnaallutik, Dr. Oliver Buiseau, Marine Conservation Researchimi Seniorforsker oqarpoq.

Misissuiffik ornippaat

Greenpeace ulluni arlalinni umiarsuarmik Arctic Sunrise-mik Tunup avannaanut ingerlaarsimavoq, tamaani sajuppillatsitsilluni uuliamik ujarlerluni misissuisoqarfimmut. Avatangiisinik illersuiniaqatigiit aallaqqaammut anguniarpaat sajuppillatsitsilluni misissuinerit, naatsorsuutigineqartut 7 - 10.000 kilometerinik annertussusilimmi ingerlanneqartut, uppernarsarnissaat.

Misissuinerit tamakku maanna norskit umiarsuaannik, nipinik aallakaatitsissutinik kalittumik, ingerlanneqarput. Greenpeace naapertorlugu sapaatit akunnerini arlalinni ulloq unnuarlu sekundit qulikkaarlugit immap iluani nipinik aallakaatitsisoqartarpoq, oqarpullu tamakkua ´immap iluani nipitoorujussuarmik, 259 decibel-imik, nipiliortartut. 

Timmisartumit arfineq-pingasoriaammik nipitunerit

Nipit tamakkua inuit siutaannit tusaaneqartarput timmisartup jet-imik motoorillip 50 meterinik ungasissuseqarluni arfineq-pingasoriaammik nipitutigineratut.

Sajuppillatsitsilluni misissuinerit ingerlanneqartussaasimapput namminersorlutik oqartussanit ´sumiiffittut matoqqasutut´ taaneqartut eqqannguanni, taamaasillunilu ´sumiiffiit ajornartorsiuteqarfittut taaneqartut´, imarmiut miluumasut illersorniarlugit pilersinneqarsimasut, qallerlugit.

Sermitsiaq.AG-p naatsorsuutigaa Marine Conservation Researchip nalunaarusiaanit uparuartuisumit amerlanerusunik qanittukkut ilanngussissalluni.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER