Skip to main content

Saavlimmiut: Ullut arlaqanngitsut qaangiuppata naalakkersuisut nutaat piariissangatinneqarput

Lagtingingimut Savalimmiuni inatsisartunut qinersinerup kingorna lagtingi siullermeerluni ataatsimiilerpat, Sambandspartietimi siulittaasup arfininngorpaatinnagu naalakkersuisut nutaat piareernissaat naatsorsuutigaa.

Savalimmiuni naalakkersuisunik pilersitsiniarneq ingerlalluarpoq, taamaattumillu Lagtingimi siulittaasup, Páll á Reynatúgvup, Tjóðveldi, Bárður á Steig Nielsen, Sambandspartietimi siulittaasoq, naalakkersuisunik pilersitsinissamut saniatigut ullualunnik periarfissippaa.

Marlunngornermi savalimmiuni nalunaaqutaq malillugu 12.00 piffissaq killiliussaq Bárður á Steig Nielsenimut qaangiuppoq, taassuma lagtingimi siulittaasoq isumaqatiginninniarnerit ingerlaneri pillugit paasissutissiivoq, taakku aggustip 31-anni lagtingimut qinersinerup kingorna lagmandip ataatsimeeqateqarnerata siulliup kingorna aallartipput.

Periarfissagissaartoq

Sambandspartietip, Folkeflokkenip aamma Midterpartietip lagtingimi ilaasortaatitanit 33-nit 17-inik ilaasortaatitaqarlutik naalakkersuisunik pilersitsinissamik iluatsitsinissaannut periarfissagissaarluarput, Bárður á Steig Nielsen nalunaaruteqarpoq.

Taamaalilluni isumaqatiginninniarnermi aqutsisoq saniatigut piffissamik pissarsilaaarpoq, nammineq oqarneratut tamanna allanngortinneqarsinnaavoq.

Arfininngorpat septembarip 14-anni lagtingi ataatsimuussaaq, tamannalu sioqqullugu Bárður á Steig Nielsenip isumaqatiginninniarnerit piareereerusuppai.

Ullualuit qaanngiuppata isumaqatigiissuteqartoqassaaq

- Isumaqatigiinngiffiusut annertuut iluarsinikuuagut, kisianni suliat allat inisseqqaartussaavagut. Tamanna aamma iluarsissavarput. Immaqa akunnialuit qaanngiuppata, imaluunniit ullualuit qaangiuppata, Bárður á Steig Nielsen, Kringvarp Føroyamut taama oqarpoq.

Naalakkersuisoqatigiinnissamut isumaqatigiissutip allaqqissaarneqarnera aallartinneqarsimasoq, Bárður á Steig Nielsenip aamma oqaatigaa, kisianni suut inissinneqarnissamut amigaataanersut oqaaseqarfigerusunngilai.

Ingammik aalisarnermut inatsiseqarneq aamma suliat ileqqorissaarnermut tunngasut partiit taakku pingasut akornanni ajornartorsiortitsisut, savalimmiormiut tusagassiorfii oqaluttuarput.

Aalisakkat aamma aappariit suiaaqatigiit

Avataasiornermi pisassiissutit ilaat aamma Barentshavetimi saarullittassiissutit akitsorterullugit tunineqartarnissaannut aaqqiissutit Folkeflokkenip peerusuppaa. Inatsit allanngortinneqassappat, pisassiissutit qanoq pineqarnissaat isumaqatigiinngissutigineqartoq oqaatigineqarpoq.

Midterpartietip aappariinneq pillugu inatsit allanngortikkusuppaa, taamaalilluni suiaaqatigiit katissinnaajunnaassallutik.

Naalakkersuisoqatigiinnermut isumaqatigiissut naammassiginnagu, Bárður á Steig Nielsenip suliat oqaaseqarfigiumanngilai.

- Anguniakkatsinnut qanillivugut, kisianni suli naammassinngilagut, Bárður á Steig Nielsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER