Saattuartassiissutit siunnersuutigineqartut marloriaataat sinnerlugit amerlanerusut
Naalakkersuisut aqutsiveqarfik Sisimiut saattuanik 130 tonsinik immikkut pisassippaat
Naalakkersuisut qaammatip ataatsip ingerlanerinnaani pingajussaannik pisassiissutinik, biologit nungusaataanngitsumik pisassiissutissatut siunersuaattaanik amerlanerusunik qaffaapput.
Aalisarnermut Piniarnermullu Naalakkersuisoqarfimmit nalunaarutigineqaqqammerpoq, aqutsiveqarfik Sisimiunut saattuartassiissutit 130 tonsinik qaffanneqartut. Biologit inassutigisimavaat 300 tonsit pisassiissutigineqassasut.
Tassa 500 tonsinik pisasseeqqaarsimaneq biologit inassutigisimasaannit annertuneruvoq. Pisassiissutigineqarsimasut taakku aggustusip 18-ani tamakkerlugit pisarineqarsimapput.
Naalakkersuisut Qeqertarsuup Tunuani qaleralittassat septembarip qulingani immikkut 2.400 tonsinik ilavaat, taamaalilluni pisassiissutit tamarmiusut biologit inassuteqaataasa marloriaataat sinnerlugit amerlassuseqalerlutik.
Tallimanngormat aqutsiveqarfinni assigiinngitsuni qilalukkanik qernertanik pisassiissutit immikkut 48-nik ilaneqarput, sumiiffinni pineqartuni taamaalilluni pisassiissutit biologit inassuteqaataannit amerlanerulerput.