Saarullittassiissutit 200 milliuunit koruuninik naleqartut
200 milliuunit koruunit missingi allaanerussuteqangaatsiartitsisinnaapput. Taakkuupput aalisartitseqatigiiffi it pilersinneqaqqammersut, Tuukkaq Trawlip imaluunniit Norsap, ukioq manna isertitarisinnaasaat, taakkua Naalakkersuisunit Tunumi saarulli assiissutinik suluppaagartassiissutinillu tunineqassappata
Saarullinnik nerisarineqartartunik pingaarutilinnik pisassiissutit Kalaallit Nunaanni aalisartitseqatigiitoqqanit tallimanit Tasiilap avataani Danmarksstrædemi Dohrn Bankemi aamma Kujataani Kitaatalu kujasissuani siorna tamakkingajallugit pisarineqarput. Arctic Prime Fisheries aamma Royal Greenland amerlanerpaanik pisassiissuteqarfi gineqarsimapput.
Aviisi Sermitsiaq taama allaaserisaqarpoq.
Kisianni aalisartitseqatigiiffi it pilersinneqaqqammersut marluk Tuukkaq Trawl aamma Norsaq pisassiissutinik qinnuteqareersullu, Naalakkersuisullu Tunumi 2023-mi saarullittassiissutinik tamarmiusunik qaffaaniarlutik aalajangereersullu, aalisartitseqatigiiffi it taakkua marluk akornanni aalisarnermut akuulerniarlutik killissaa tikillugu tamaviaartoqassaaq.
Tamanna Naalakkersuisut saarullinnik ataatsimut katillugit 7.715 tonsinik suluppaakkanillu 400 tonsinik ingerlatsisumut nutaamut ukioq manna tunniussinissamik aalajangernerisa malitsigisaannik akit ullumikkut killiffi at aallaavigalugu aalisartitseqatigiiffi mmut iluatsitsilluni pisassiissutinik pissarsisumut 200 millioner koruunit sinnerlugit isertitaqarnermik kinguneqassaaq.
Sapaatip akunnerani uani Sermitsiami paasisaqarnerugit. Uani isissutissarsigit:
