Skip to main content

Saarullittassat Naalakkersuisut amerlivaat

Sinerissamut qanittumi saarullittassat 2.500 tonsinik ilaneqarput

Ukiup sinnerani aalisarnerup ingerlaannarnissaa suliffissuillu suliassaqartitsiinnarnissaat qulakkeerniarlugu Naalakkersuisut aalajangerput sinerissamut qanittumi saarullittassat 2.500 tonsinik amerliniarlugit.

Taamaasilluni saarullittassat 25.000 tonsiniit 27.500 tonsinut amerlineqarput.

Suliassaqartitsineq

– Aalisarneq maannamiit ukiup naaneranut unitsinneqassagaluarpat tamanna sumiiffinni annertuumik kinguneqassaaq suliassaaleqilernikkut, tamatumalu kingunerisaanik isertitaqarnissamut periarfissaarunnermik. Taamaattumik Naalakkersuisut saarullittassat amerlivaat, aalisarnermut Naalakkersuisoq Karl-Kristian Kruse (S) oqarpoq.

Naalakkersuisup soqutigisaqaqatigiit assigiinngitsut ataatsimeeqatiseriniarpai, oqaloqatigiittarnerit siunissamilu pisassiisarnissat paasineqartarnissaa pitsaanerulersinniarlugit.

Biologit siunnersuinerat

- Januaarimi Aalisarnermut Siunnersuisoqatigiit kiisalu partiit siulittaasui biologillu oqaloqatiserissamaarpakka siunissami pisassiisarnissat biologillu siunnersuutaasa atorneqartarnissaat pillugit ataatsimeeqatigalugit, tamatumani ilanngullugu pisassiisarnerit amerlassusaasa siunnersuinerillu nikingassuteqartarnerat, Karl-Kristian Kruse erseqqissaavoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER