Skip to main content

Saarullinniarnerup ajalusoorneranut pissutaasoq ilisimatuut paasivaat

Ilisimatuut maanna paasivaat 1970-ip missaani Kitaani sooq saarulleeruteriataarsimanersoq

1960-ikkut aallartinneranni Kalaallit Nunaanni saarullippassuaqarpoq, taamanikkut Kitaani ukiumut 400.000 tonsit angullugit tulaanneqartartlutik. 1970-illu missaani saarulliit tammariataarput.

Aarhus Universitetimi DTU Aquami Nuummilu Pinngortitaleriffimmi ilisimatuut, qanittukkut tamatumunnga pissutaasoq uppernarsivaat ilisimatusarnertillu allaaserisakkut, Scientific Reportsimi, Naturemit saqqummersinneqartartumi, tamanut saqqummiullugu, taamatut allappoq Politiken.

DNA-mik misissuillutik

Ilisimatuut qanoq pisoqarsimanera takutissinnaasimavaat saarulleqatigiinnit sisamanit, 1950-ikkunnit 1970-imut saarulippassuaqartitsisunit, DNA-mik misissuinermikkut.

– Kitaani 1970-ip missaani saarullinniarneq ajalusoormat - kingornalu taama saarulleqartigeqqilinngisaannarsimalluni - tamatumunnga nassuiaatissaavoq aalisapilunnersuakkut siullerpaamik sumiiffinni saarulliit kigaatsuinnarmik amerliartorsinnaasut ikilisarneqarsimanerat. Tamatumunnga ilanngullugu tatiseqataavoq saarullippassuaqarunnaaleriartornerani silap pissusiata allanngorsimanera, nillertikkiartulerluni. Sumiiffinnilu saarulleqarfiit saarulliillu suffisarfii aamma annikinnerulerlutik, fiskegenetikimi ilisimatooq DTU Aquameersoq Einar Eg Nielsen aviisimut nassuiaavoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER