Skip to main content

Saarulliit uumasut Royal Greenlandimut ulapititsisut

Aalisartut 100-it missaanniittut aalisakkanik uumasunik 2000 tonsit missaanniittunik sinerissami, avannaani Maniitsumiit kujataani Paamiut tikillugit, uumatitsivinniittuuteqarput. Tamanna Royal Greenlandimit kilisaammik immikkut ilanngussisariaqarsimasumut ulapititsivoq.

Aalisakkanik uumasunik assartuineq ukioq manna ingerlalluarpoq, Royal Greenlandimit ilisimatitsissutigineqarpoq.

Assartuineq ingerlalluangaarmat Royal Greenlandip tunisassiorfiata Maniitsumiittup aalisariutillu uumatitsiviup Maniitsup malinnaaniarnerat unammillernartoqarpoq. Taamaammat Royal Greenlandip kilisaataataata Sisimiup aalisariut uumatitsivik Maniitsoq kangerlunni aalisakkanik uumasunik tigooraasoq malittarissavaa. Aalisakkat uumasut kingorna kilisaammut issorarneqarlutillu kilisaammi nerpinngorlugit tunisassiarineqassapput, Royal Greenland nittartakkamini allappoq.

Kilisaat aalisakkerivimmut oqilisaassasoq

- Aalisartut 100-it missaanniittut aalisakkanik uumasunik 2000 tonsit missaanniittunik sinerissami, avannaani Maniitsumiit kujataani Paamiut tikillugit, uumatitsivinniittuuteqarput. Aalisagarpassuummata isorartummallu aalisariut uumatitsivik ”Maniitsoq” tunisassiorfimmut Maniitsumiittumut aalisakkanik assartuinissaminut malinnaasinnaanngilaq. Tunisassiorfik Maniitsumiittoq aammattaaq sapaatip-akunneranut 300-niit 400 tonsinut taamaallaat tunisassiorsinnaammat aalisagarpassuit uumasut tunisassiarineqarnissaat anguniarlugu allatut aaqqiivugut, Royal Greenlandimi tunisassialerinermi ingerlatsisoq Sten Sørensen oqarpoq.

Sten Sørensenip ilisimatitsissutigaa, kilisaatip Sisimiup saarullinnik uumatitsivinneersunik tunisassiornissaa pillugu Namminersorlutik Oqartussanit akuersissummik pisimallutik. Sisimiup aalisariut uumatitsivik sinerissami kangerlunnukaqattaarnerani maanna malissavaa. Taava aalisartut pisarnertut pisatik uumatitsivinniittut aalisariummut uumatitsivimmut tunissavaat, aalisakkallu uumasut kingorna Sisimiunut issorarneqareerunik nerpinngorlugit tunisassiarineqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER