Skip to main content

Saarulliit Qeqertarsuup Tunuani tammakartut

Qeqertarsuup Tunuani umiatsiaararsortut saarullinniarneq inuussutigisinnaajunnaarpaat. Tunisat appariarujussuarnerat aalisakkerivimmit oqaatigineqarpoq.

Saarullinniarneq ukiut kingulliit ingerlaneranni Qeqertarsuup Tunuani Kangaatsiallu eqqaani sinerissap qanittuani aalisartut aningaasarsiutigilluarsimasaat, maanna oqaluttuaannanngorpoq.

Aviisi Sermitsiaq taama allappoq.

Aalisarnerup ajorseriarujussuarsimanera Pinngortitaleriffimmit, aalisartunit aalisakkerivimmiillu uppernarsarneqarpoq. Saarulliit malunnaatilimmik sukkasuumillu ikileriarsimanerat, ukiut marlussuit matuma siornagut malunniuteqqaarpoq.

Taamanikkut aalisarnerup taamatut inissinnera, sivikitsuinnaajumaartoq aalisartunit neriuutigineqarsimagaluarpoq, maannakkulli saarullinniarnermik inuussutissarsiuteqarneq ima ilungersunartigilersimavoq, tamanna aalisartut piniartullu peqatigiiffi iniit ajorluinnartutut nalilerneqarluni.

Aalisarnikkut pissutsit taamatut inississimanerat, Qeqertarsuarmi Royal Greenlandip aalisakkeriviani saarullinnik tunisassiornerup ukiuni amerlasuuni aatsaat taamak appasitsigilersimaneranik kingu neqarpoq.

Saarulliit mikisut

Qeqertarsuarmi umiatsiaaqqanut talittarfimmi pisaqarluarsimalluni qiimmisaarneq, aalisarfiillu saarulleqarluarnerannik qujamasunneq, maanna aalisarnerup akerlerluinnaanik inissinnera pissutigalugu paatsuunganermik taarserneqarput.

Maannakkummi umiatsiaararsortut pisaqarluarsimallutik tikittarsimagaluartut, aatsaat taamak ikitsisigisunik pisaqartalerput. Aammali saarulliit qaqinneqartartut ima mikitigilersimapput, amerlasuut avalatsiinnarneqartariaqartarlutik.

Taamannalu piniartup aalisartullu 70-inik ukiullip, Qeqertarsuarmilu aalisarnerup ingerlaneranik ukiorpassuarni malunnaasimasup, Johan Lindenhannip aamma nammineerluni misigaa.

– Saarulliit mikisut amerlaqaat. Saarulliit nerisarilluartagaannik aalisagaararpassuarnik amikuararpassuarnillu peqaraluarpoq, taamaakkaluartorli saarulliit malunnartumik tammakarput. Saarulliit tunineqarnissaannut mikivallaartut amerlasuut  avalatseqqiinnartariaqartarpagut, taanna aviisimut Sermitsiamut oqarpoq.

Qeqertarsuarmi Royal Greenlandip aalisakkerivianut saarullik kilomut 9 ko ruunit missaannik akilerneqartarpoq. Johan Lindenhann kingullermik tunisigami aali - sakkanut karsit 70 literillit sisamat tunivai, taakkulu 1.000 koruunit missaannik naleqarput.

– Suli inuussutigineqalaarsinnaapput. Kisiannili saarulliit ilaatigut piffi ssaq sivisooq atorlugu ujartariaqartarpavut, Johan Lindenhann oqarpoq. Saarullinniarnerup ilungersunartumik inissisimalernera pissutigalugu, Qeqertarsuarmi umiatsiaararsortut amerlanerit Qe - qertarsuup Tunuani sumiiffi nni assigiinngitsuni maanna qaleralinniarput.

Saarulliit takkutinngitsoortut

Ukiut marlussuit matuma siornatigut Kitsissuarsuit eqqaani saarullippassuaqarpoq umiatsiaararsortut aningaasaqarnerannut iluaqutaaqisumik.

Ukiorli manna saarulliit takkutinngitsoorsimasut oqartoqarsinnaasoq, Kitsissuarsunni aalisartut piniartullu peqatigiiffi anni siulittaasoq Ole Larsen oqarpoq. Maannakkummi saarulliit ima ikitsigilersimapput, qassutinilluunniit pisaqartoqarpiarneq ajorluni.

Umiatsiaararsortut siorna tikillugu bundgarnersorsimagaluartut, saarulliisannera pissutigalugu tamanna unitsissimavaat.

Aviisimi Sermitsiami atuarnerusinnaavutit. Aviisi uani ataani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER