Skip to main content

Saammaateqatigiinnissamut Isumalioqatigiissitaq ilisarnaatitaarpoq

Nutaarsiassaqartitsivik Sermitsiaq.AG-mi grafikeri ilisarnaasiortitsinermut unammisitsinermi ajugaasuuvoq. - Assiliap inuit saammaateqatigiittarnerat ilisarnaaserpaa, Malene Kuitse Christensen nassuiaavoq

Saammaateqatigiinnissamut Isumalioqatigiissitaq, Kalaallit Nunaata nunasiaataasimaneranut kulturikkut inuiaqatigiittullu pisimasunik qulaajaasussaq, ilisarnaatitaarpoq. 

Saammaateqatigiinnissamut Isumalioqatigiissitap 2014-imi ukiakkut ilisarnaatissap ilusissaa unammisitsissutigaa, taanna siunissami takussutissatut ilisarnaatigissammagu. Maannakkut isumalioqatigiissitap kusanartunik siunnersuutinik tigusaqartup ajugaasoq toqqarpaa. Ilisarnaammut akissarsisinneqarpoq titartaasartoq Nutaarsiassaqartitsivimmi Sermitsiaq.AG-mi grafikeri Malene Kuitse Christensen, Nuummeersoq, Tusagassiivik ilisimatitsivoq. 

- Ilisarnaammiipput naqinnerit 's' aamma 'i' assiliartaani ataatsimoortut. Naqinnerup 's'-ip uummat pilersippaa naqinnerullu 'i'-p inuk eqitsiniarluni isaassisimasoq takutillugu.

Naqinnerit 's' aamma 'i' Saammaasseqatigiinnissamut Isumalioqatigiissitamut attuumassuteqarput.

- Assiliap taamaalilluni inuit saammaateqatigiittarnerat ilisarnaaserpaa, Malene Kuitse Christensen oqarpoq.

Saammaateqatigiinnissamut Isumalioqatigiissitap ilisarnaatitaava Isumalioqatigiissitap atortuinut assigiinngitsunut atorneqassaaq minnerunngitsumillu nittartagaanut februarip aallartinnerani atorneqalersussamut.

Assini ataaniittunu ilisarnaat Isumalioqatigiissitamilu ilaasortaasut takuneqarsinnaapput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER