isumalioqatigiissitaq
Saammaateqatigiinnissamut Isumalioqatigiissitap nunasiaataasimanermit anniaatit qaqilerusuppaat
Saammaateqatigiinnissamut Isumalioqatigiissitap sulissutigisassatik aalajangeqqammerpaat
Saammaateqatigiinnissamut Isumalioqatigiissitap suut suliarissaneraat inuiaqatigiit aperineqassapput. Isumalioqatigiissatap Ilulissani ataatsimeeqatigeereerlutik taama inerniliussaqarput.
Saammaateqatigiinnissamut Isumalioqatigiissitaqarnissaa Naalakkersuisooqatigiinit pingaaruteqarpoq, taannami pilersinneqarnissaa sulissutigimmassut. Inuiaqatigiinni nunasiaataaneq pillugu oqallinnerni avissaartuuttarput, tamakkulu isumalioqatigiissitap inissikkusuppai.
Innuttaasut ilaatinneqarnerat
Saammaateqatigiinnissamut Isumalioqatigiissitami ilaasortaasut siullermeerlutik Ilulissani ataatsimeeqatigeeqqammerput.
- Isumalioqatigiissitap pingaartippaa inuiaqatigiinni sulissutigineqartussat qaqilerneqarnissaat. Nunatsinni innuttaasut sulinitsinnut akuutikkusuppavut. Sulinissatsinnut siunnersuuteqarsinnaallutillu suliat qanoq inernilerneqarnissaannut naatsorsuutitik oqaatigisinnaavaat, Saammaateqatigiinnissamut Isumalioqatigiissitaq nalunaaruteqarpoq.
Isumalioqatigiissitap sulineranut tikinneqarsinnaasut tamarmik tikinniarlugit inuiaqatigiit peqataatinneqarnissaat kissaatigineqarpoq sulissutigineqassallunilu.