Skip to main content

Saammaasseqatigiinnissamut isumalioqatigiissitap inissisimanera oqallisigineqassaaq

Dansk Institut for Internationale Studiermi ullunik marlunnik sivisussuseqartumik seminarertitsisoqarnerani Kalaallit Nunaanni, Canadami, Norgemi aamma Sverigemi saammaasseqatigiinnissamut suliat oqallisineqassapput.

Saammaasseqatigiinnissamut isumalioqatigiissitap ukiuni pingasuni sulereerluni nalunaarusiani 2017-imi decemberimi tunniuppaa. Innersuussutaasulli qanoq kinguneqarumaarnersut apeqqutaalerpoq.

Dansk Institut for Internationale Studier (DIIS) ulluni marlunni seminarertitsilluni kalaallit saammaasseqatigiinnissamut suliaqarnerat aammalu Canadami, Norgemi Sverigemilu assingusunik suliaqartoqarnera maanna oqallisigineqartussanngortippaa.

Issittumi nunani siullersaalluni Canada Ilumoortut Saammaasseqatigiinnissarlu pillugit isumalioqatigiissitamik pilersitsivoq. Isumalioqatigiissitap nunap inoqqaavisa eqqunngitsumik pineqarsimaneri qulaajarpai, soorlu meeqqat pinngitsaalisaallutik atuariartortinneqartarsimaneri pillugit. Isumalioqatigiissitap nalunaarusiaq 2015-imi tunniuppaa.

Norge Ilumoortut Saammaasseqatigiinnissarlu pillugit Isumalioqatigiissitaq 2018-imi pilersippaa, taakku Saamit, Kvennit norskillu finnerit norskinngorsarneqarnerannut politikki pillugu qulaajaassallutik suliaqarput.

Svensket Saamiisa inatsisartui isumalioqatigiissitamik assingusumik pilersitsinissamik aamma piumasaqarput.

Oqaatsit kultoorilu nungunneqarput

DIIS-imi aaqqissuisut isumaqarput suliniutit taakku piffissami aalajangersimasumi aallartinnerat nalaatsornerinnaanngitsoq, aammali nunani taakkunani sisamaasuni ajornartorsiutit eqqartorneqartut assigiissuteqartut.

Suliarineqartut tamarmik oqaluttuarisaanermi eqqunngitsumik pineqarsimanernut tunngassuteqarput, nunallu inoqqaavisa oqaasiinik kultooriinillu nungutsinermik kinguneqarsimasunut tunngassuteqarlutik. Naalagaaffiit kissaatigisimavaat nunani taakkunani inooriaaseq nunarsuup kitaaneersoq eqqunneqassasoq, naalagaaffiullu oqaasii atorneqalissasut.

Seminarimi isumalioqatigiissitat assigiissusai assigiinngissusaalu misissorneqassapput.

Misissuisoqareerpat kalaallit saammaasseqatigiinnissamut isumalioqatigiissitaat kalaallit qallunaallu politikeriinit oqallisigineqassaaq.

DIIS-ip seminari toqqaannartumik aallakaatissavaa, Kalaallit Nunaanniillu malinnaasoqarsinnaajumaarpoq.

Seminari DIIS-ip, Ilisimatusarfiup Aarhus Universitetillu suleqatigiinneratigut piviusunngortinneqalerpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER