Skip to main content

Russit attaveqatigiinneq atortortussaarutaat Issittumi Sakkutooqarfimmi atorneqartut

Issittumi nunat attaeqatigiinnnermut atortorussaartutit nutaat septemberip qaammaqataani annaassiniarnermut sungisartoqalerpat misilinneqassapput.

Attaveqatiinnermut atortorussaarutit Ruslandimi sanaartorneqarnikut kunngeqarfiup sakkutuuisa atungarilissuaat. Tamanna ukiut arlaqanngitsut matuma siorna eqqarsaatigineqarsinnaanngilarluunniit.

Issittumilu suleqatigiilluarnerup tamanna piviusunngortissinnaasimavaa. Nunammi imaani ajortoortoqarsimatillugu ikioqatigiissappata attaveqaatitigut atortorussaarutit pitsaasuunissaat pisariarluinnarpoq.

- Qarasaasiatigut atortorussaarutaapput, tassani ilaatigut toqqaannartumik allaqatiiissinnaalluta, Issittumi Sakkutooqarfimmi major Anders Johansen Sermitsiaq.AG-mut nassuiaavoq.

Umiarsuit nakkutigigaat

Siullertut systemip umiarsuit assigiinngitsut sumiiffinniinneri ikkussussuvai. Taassumalu umiarsuit sorliit pineqarnersut sumullu ingerlaarnersut takusinnaallugit.

- SAR-imik suliaqartilluta atorneqartut tamaasa ataatsikkut takusinnaanissaat pingaaruteqarluinnarpoq, major Anders Johansen oqarpoq.

Sungiusarnermi misilittarneqassasoq

Atortorussaarut sapaatit akunneri marluk qaangiuteriarpata misilittarneqassaaq. Arctic Coast Guard Forumimi nunat arfineq pingasut Danmarksstrædemi annertuumik annaassiniarnermut sungiusartussaapput.

- Attaveqatigiinnermut atortorussaarutit sungiusarnermi misilittarneqassapput.

Sungiusarneq ulluni 5.-miit 9. september ilanngullugu ingerlanneqassaaq, sungisarnermilu USA, Canada, Norge, Island aamma Danmark umiarsuaatitik timmisartuutitillu atorlugit peqataassapput. Rusland, Finland aamma Sverige sungiusarnermi qitiullutik peqataassapput, taakkuli atortorussaarummik nutaamik misileraasuussapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER