Skip to main content

Russit allagarsiissutigineqarnerisa kingorna: Nunanit allaneersut politiit oqaloqatigaat

Russit marluk unioqqutitsillutik nunatsinniittut, politiit nassaaraat. Politiini suliamik ingerlatsinermik kukkusoqarnerata kingorna tamanna pivoq

Arfininngormat arlallit Facebookimi allagarsiissut siammarterpaat - ilaatigut Nuummi Køb Salg Byttemi.

Allagarsiissutit passit marluk takutippaat, tassanilu allaqqavoq politiit Russeq aamma Tjetjeniamioq ujaraat.

Facebookimit kinaassusaat ilisarineqarsinnaajunnaarlugit allanngortitaq (Assi: Sermitsiaq.AG)

Politiit ataasinngornermi Sermitsiaq.AG-mut uppernarsarpaat, angutit taakku marluk nassaariniarneqarsimasut, taakkununngalu suliaq eqqunngitsumik najugaqarnissamut akuersissuteqarnerannut tunnganerarpaat.

Allagarsiissut amerlasuunit ingerlateqqinneqartoq
Kisiannili aamma oqaluttuarineqarpoq, politiit tamanut ammasumik ujaarlernissamik kissaateqarsimanngitsut, tamannalu angutit marluk nassaariniarnerannut atatillugu politiit sulinerminni kukkusimasut.

Allagarsiissutit ingerlateqqinneqaqattaarneqarnerannik kukkuneq kinguneqartitsivoq. Allagarsiissut ullumi peerneqarpoq.

Suliaq ingerlakkaat
Politiit aamma ullumikkut taakku marluk Russitut innuttaassuseqartut qanilliallappaat. Sumiinnersut ilisimaneqarput, politiillu aamma naapippaat, Henrik Madsen oqaluttuarpoq, taanna politiini attaveqaqatigiinnermut tusagassiornermullu siunnersortaavoq.

Taanna suliaq maanna Danmarkimi Udlændingeservicemut ingerlateqqinneqareerpoq. Taakku maanga tikimmata, nunalu qimannissaanik qinnuigineqarmata suliaq aallartippoq.

Tassami visummeqaratik tikipput. Kisianni taakku marluk kingorna aallanngillat.

Atuaruk: Elekronikkinik tillinniarnerujussuup kingorna akissarsiassaqartitsisut

Politiit aalajangersimasumik angalatitsivinnik aamma suliffeqarfinnik angallassisartunik attaveqarput, assersuutigalugu visumminut sulianik unatut ittunik pilertoqaraangat.

Ujaasisoqanngitsoq
Tamanna pisoq, politiit ullumikkut suliamik ingerlatsinermik kukkunertut isigaat.

- Asuliunngitsumik inatsisitigut unioqqutitsisoqarsimagaangat, imaluunniit arlaat tammarsimasutut aarlerissutigitillugu, tamanut ammasumik ujaasinerit atornerusarpagut.

- Uanilu suliami taamaattoqanngilaq, tamaammallu ammasumik ujartornissaat kissaatigisimanngilarput, Henrik Madsen, Sermitsiaq.AG-mut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER