Russit AG-mi allaaserisamut sakkortuumik qisuariaateqartut
Sakkutooqarnermut tunngasunik nalilersuisartup akuersugaasup, Kristian Søby Kristensenip, Ruslandip nunataminik annertusaaniarneranik kiisalu Kalaallit Nunaannut aserorterinermik ajoqusersuinermillu ingerlataqarsinnaaneranik ernummateqarnera, Ruslandimit ”salluliornertut” aamma ”kamassaarinertut” oqaatigineqarpoq.
Rusland AG-mi saqqummersumi kingullermi allaaserisaminik kamaatiginnippoq.
Sakkutooqarnermik nalilersuisartup siuttuusup Ruslandip Kalaallit Nunaanni qanoq iliuuseqarsinnaaneranik ernummatiginninnerminik oqaatiginninnera russit tassaanerarpaat ”kamassaarineq” aamma ”salluliorneq”.
Aviisi AG taama allappoq.
Ukrainemi sorsunnerup Kalaallit Nunaat mianernartunngortissimagaa, Kristian Søby Kristensen, Københavns Universitetimi Center for Militære Studierimeersoq, oqarpoq.
- Rusland sunniiniarneq pissutigalugu Ruslandip Issittumi nunataanik annertunerulersitsiniarnissaanut sumiiffinnillu annertuunik namminneq pigisamissut nalunaarutiginninnissaanut periarfissaqarpoq. Ukrainemi ingerlanerlunnerusoqartillugu Rusland Issittumi annertusaanissamut pissutissaqarnerulissaaq, taanna AG-mut oqarpoq.
Kristian Søby Kristensen isumaqarpoq, Ruslandip russit imartaannik Kalaallit Nunaannut qanittumiittumik annertunerulerusitsinissaanut aarlerinaateqartoq. Taamaaliornikkut FN-imi Immanut pisinnaatitaaffiit pillugit ataatsimiititalersuarmi malitterisassat akerlilersulissallugit.
Tamannali Ruslandip sakkortunerpaamik ilumuunnginnerarpaa. Rusland Ilulissani isumaqatigiissummik malinninniarpoq, russit neriorsuipput.
Aviisimi AG-mi atuarnerusinnaavutit. Aviisi uani pissarsiariuk: