Ruslandi mianersoqqusisoq: Issittoq uagut nunagaarput

Issittoq tassaavoq "uagut oqartussaaffipput, uagununa nunarput", Ruslandimi nunanut allanut ministeri Moskvami tusagassiortunik katersortitsinermi oqarpoq.

Issittumi Siunnersuisoqatigiit Reykjavikimi ataatsimiinnissaat sioqqullugu taanna taamatut oqarpoq, ataatsimiinnermut ilaatigut Lavrov, USA-p nunanut allanut ministeria Danmarkillu nunanu allanut ministeria Jeppe Kofod (S) peqataassapput.

- Taanna uagut oqartussaaffigigipput, uagut nunagigipput kikkut tamarmik qangali nalunngilaat, Lavorv Issittoq pillugu oqarpoq.

- Issittumi sineriatta isumannaatsuunissaanik qulakkeerinninnissaq uagut akisussaaffigaarput, taanna ilanngussilluni oqarpoq.

Kitaamiunut mianersoqqusisoq

Taassuma Issittumi Siunnersuisoqatigiit ataatsimiinnissaat sioqqullugu Kitaamiunut mianersoqqutigaa, Issittup ilaanik avitsillutik namminneq nunamittut oqaatiginnittarnerat pillugu.

- Erseqqissaatigissavara: Issittoruna uagut nunarput uagullu imartarput.

Issittumi Siunnersuisoqatigiit Islandimi illoqarfiit pingaarnersaanni pingasunngorpat sisamanngorpallu ataatsimiissapput.

USA-mi nunanut allanut ministeri Danmarkimi naalakkersuisut Danmarkillu naalagaaffeqatigisaani allat ataatsimeeqatiginiarlugi ataasinngormat Københavnimut tikippoq. Issittumi pissutsit oqaluuserisassani pingaarnersaallutik.

Issittumi Siunnersuisoqatigiinnut ilaasortaapput nunat Issittumi killeqarfillit. Taakkununnga ilaallunni Rusland.