Skip to main content

Savalimmiut avammut tunisaannik Rusland mattussiniarluni aarlerisaarivoq

Russit aalisarnermut aqutsisoqarfiata russit naalakkersuisuinut Savalimmiunit aalisakkanik nioqqutissanik eqqussisarnermut inerteqquteqarnissamik innersuussutigaa.

Ruslandip Savalimmiut aningaasaqarnikkut sakkortuumik eqqorniarlugu aarlerisaarpaa.

Russit nutaarsiassaqartitsiviat Tass naapertorlugu russit aalisarnermut aqutsisoqarfiata Ruslandimi naalakkersuisunut Savalimmiunit aalisakkat nioqqutissat eqqussorneqarnerat tamaat mattunneqassasoq innersuussutigaa. DR taama allaaserisaqarpoq.

Taamatut mattussisoqassappat savalimmiormiut aningaasaqarnerannut annertuumik kinguneqartitsissaaq, Savalimmiut ukiut arlallit ingerlaneranni russinut aalisakkanik annertuumik avammut tunisaqalernikuugamik. Avammut tunisineq pingaartumik EU-mi pisassiissutinut naapertuinngitsumik ilaatigut avaleraasartuunik 2013-imit pinikuuvoq.

Russit nalunaaruteqarneranni savalimmiormiut folketingimut ilaasortaatitaat Sjúrður Skaale Javnaðarflokkurinimeersoq, danskit naalakkersuisuinut savalimmiormiut avammut tunisinerannut periarfissanik allanik qulakkeerinninnissamik qinnuiginnippoq:

- Danmarkip aamma iliuusissaqarnissaq eqqarsaatigalugu, Savalimmiut pitsaanerusumik EU-mut niueqatigiinnissamut isumaqatigiissummik pissarsinissaanut sapinngisaq tamaat iliuuseqartariaqaraluarpoq, Sjúrður Skaale DR-imut oqarpoq.

 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER