Skip to main content

Rullepølsit toqunartortallit Nunatsinni pisiassaasimasinnapput

Rullepølser A/S-ip rullepølsiutaat bakteriartaqartut paasineqaqqammerpoq - Kalaallit Nunaanni pisiassaasimasinnaanerarneqarpoq

Danmarkimi nioqquteqarnermut aqutsisoqarfiup Fødevarestyrelsenip bakteria nerisassaniittartoq listeria suminngaanneernersoq maanna paasisimalerpaa. Nerisassat nioqqutissiorfimmit tunisassiarineqartut nunatsinni pisiassaqalersimapput.

KNI nunatsinnut nioqqutissanik eqquisuusoq aalajangersimavoq rullepølsiliorfimmit nerisassiat pisiassaajunnaartissallugit. Rullepølsiliorfik Kangerlussuarmi pisiniarfinnut, hotelimut, mittarfiullu nerisarfianut nassiussisimavoq. 

Kalaallit Nunaanni Uumasut Nakorsaqarfia Inuussutissalerinermullu Oqartussaqarfik innuttaasunut Danmarkimi qanittukkut angalasimasunut kajumissaarivoq nioqqutissanik Jørn A Rullepølse A/S-imeersunit pisiaqarsimagunik pisiarisimasatik igissagaat, oqartussaqarfiup nalunaarutigaa.

Peersitsineq inuummarlunnerlu
- Inuit tamarmik bakteria taanna arlaanni nerisarpaat, inuilli sanngeereersut kisimik napparsimassutigilersinnaavaat. Napparsimalerlutik unitsinneqartut kissarneqartarput, nukillaangasarlutik timmisinnaasarlutillu meriarlutillu. 25 procentit missaasa toqqutigisarpaat. Naartusut naartuuminnik katatsisinnaasarput toqungasumilluunniit meerartaarsinnaasarlutik, Namminersorlutik Oqartussat nalunaarpoq. 

Inuit tamarmik bakteria taanna arlaanni nerisarpaat, inuilli sanngeereersut kisimik napparsimassutigilersinnaavaat. Napparsimalerlutik unitsinneqartut kissarneqartarput, nukillaangasarlutik timmisinnaasarlutillu meriarlutillu.

25 procentit missaasa toqqutigisarpaat. Naartusut naartuuminnik katatsisinnaasarput toqungasumilluunniit meerartaarsinnaasarlutik. 

Nunatsinni oqartussat igaffimmiunut utoqqarnut inunnullu sanngiillisimasunut nerisassiortartunut inassutigiumavaat, nerisassat ullussaminnik qaangiisimasut igittassagaat, nillataartitsivik 5 gradi celsiusinik aamma kissarnerutittassanngikkaat. Nerisassat puiarneqarsimasut sivikinnerusumik piusartut aamma eqqaassissutigalugu. 

Suliffeqarfik Jørgen A. Rullepølser matuneqartareerpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER