aatsitassat

Rubinisiorfiutillit killiliussamik kinguartitsivigineqartut

True North Gemsimut qularnaveeqqutissap akilernissaanut qalluinissallu aallartinnissaanut piffissaliussaq aningaasameerneq pissutigalugu Namminersorlutik Oqartussat kinguartippaat. Aningaasaliisartut sapaatip akunnerani kingullermi aatsitassarsiorfimmik takuniaallutik Qeqertarsuatsiaaniipput

Aappaluttoq, True North Gems
True North Gems aatsitassarsiorfissaa suliarinneqqaarfissaalu piffissami sivitsortumi piareersimareerput. 20 million koruunillu kingulliit pissarsiarineqartinnagit suliffeqarfik aallartissanngilaq

True North Gemsip Qeqertarsuatsiaani rubisiorfia, aallartinnissaminut aningasanik milliuunilinnik qulikkaanik amerlasoorsuarnik amigaateqartup aallartinnissaa, Naalakkersuisut arlaleriarlutik immikkut ittumik akuersillutik kinguartittarpaat.

Tassungalu ilaatigut qularnaveeqqut, suliffeqarfik akiliisinnaajunnaarluni avatangiisinik qulakkeerinissamik qalluiffiullu piffiup qanga inneratut iliseqqinnissaanut nammineerluni akissaarunnissaanut atorneqartussaq ilaavoq.

Atuaruk: Rubininik piiaaffik aallartinnissaminut millionilinnik amigaateqarpoq

Uppernarsaassasoq
- Aatsitassarsiorfiup salinneqanrissaanut qularnaveeqqummut tamakkiisumut akiliinissamut akissaqanngillat. Aningasat ilaat akilerpaat, massakkuugallartorli tamakkerlugit akilersinnaanngilaat. Aggustip aallaqqaataata tungaanut kinguartitsisinissaat akuerineqarpoq, qaammatinillu marlunnik suli sivitsuiffigineqaqqinnissaat sulissutigaarput, aatsitassanut naalakkersuisoqarfiup pisortaa Jørgen Hammeken-Holm oqarpoq.

Peqatigisaanillu suliffeqarfiup aatsitassarsiornermik ingerlatsinissamut aningaasassaqarnermik uppernarsarnissaanut piffissalerneqarnera 31. aggustip tungaanut sivitsorneqarpoq.

Ukiup affaata missaa
True North Gemsilu rubininik qalluinissamik aallartinnissaminut ukiortaap tungaanut periarfissinneqarpoq.

- Periarfissalitsiarpavut taamaalillutillu aallartinnissaminnut ukiup affaanik periarfissinneqarput. Ukiaru ukioruluunniit aallartinnissaat periarfissaqarsinnaarpasippoq, naalakkersuisoqarfiup pisortaa oqarpoq.

Atuaruk: Rubininik piiaaffik Sermersuup isumalluarfeqaa

Allaaserisaq tamaat AG-mi saqqummertumi atuaruk, taanna pisiniarfinni ullumi pisiarisinnaavat. Aviisi aamma uani ataani pisiarisinnaavat:

Powered by Labrador CMS