Skip to main content

Rubinisiorfiup akiliisinnaajunnaarnera Inatsisartut nerriviannut ilineqarpoq

True North Gem Greenlandip akiliisinnaajunnaarnera Namminersorlutik Oqartussanut qanoq akisutigisimanersoq, IA-meersup Múte B. Egedep akissutisserusuppaa

True North Gems Greenlandip (TNGG) akiliisinnaajunnaarnerata kingunerisaanik Namminersorlutik Oqartussat suliffeqarfiutaallu inuiaqatigiit aningaasaataanik qanoq amerlatigisunik annaasaqarpat?

Misissuinerimmi?
TNGG-p Aappaluttumi misissuinerminiit ujaqqat pinnersaasiat qanoq annertutigisut nunatsinniit anninnikuuai qanorlu naleqarpat? Ujaqqanimmi pinnersaasiassanik piianissaminut akuersissutaa qanoq pineqassava?

Ingerlatseqatigiiffiup rubinisiortup ataasinngornermi akiliisinnaajunnaartutut nalunaarnerata kingorna, apeqqutit tamakku Inuit Ataqatigiit Inatsisartunut ilaasortaatitaata Múte B. Egedep Naalakkersuisunut qaqippai.

Atuaruk: Akiliisinnaajunnaarnerup kingorna: Nutaanik aningaasaliisussanik pissarsiniarsarisut

True North Gemse Greenlandip 130 millionit koruunit kingulliit pissarsiarinissaat ajornakusoorsimaneranik nassuerutiginnilluni akiliisinnaajunnaarnerarpoq, taamaalilluni Aappaluttumi Qeqertarsuatsiaat eqqaani rubinisiorfissaq piariingajalersoq aallartissinnaanngilaq.

Atuaruk: Piginneqataasup rubinisiorfik suli upperaa

Oqallinneq annertooq
-
True North Gems Greenland ukiuni kingullerni arlalinni misissueqqissaarnerani nalunngilarput suliffeqarfik ujaqqanik pinnersaasiassanik ikigisassaanngitsunik qularnanngitsumillu nalitoqisunik misiliutissaminik nunatsinniit annissuisimasoq, Múte B. Egede allappoq.

- Aamma piffissami misissueqqissaarnerata nalaanittaaq nunaqavissut ujaqqanik pinnersaasiassanik piiaasinnaanerannut aporfeqarnerannik annertuumik nunatsinni oqallinneq ingerlasimavoq. 

Atuaruk: Norskit annertuumik piginneqataasut akiliisinnaajunnaarneq ugguaraat

Akiliisinnaajunnaarneq ajuusaarutigigaa
Aningaasaqarnermut naalakkersuisoq, Randi Vestergaard Evaldsen (D), akiliisinnaajunnaarneq ajuusaarutigalugu KNR-imut oqarpoq. 

Kisianni taassuma matuma pisoq tunngavigalugu aatsitassarsiornermik ingerlatseqatigiiffiit Namminersorlutik Oqartussanik aningaasaqarnikkut pitsaanerusumik sinaakkuserneqassanersut neriorsuutigisinnaannginnerarpaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER