Skip to main content

Rubinisiorfissap aallartinneqarnissaa akuerisaavoq

True North Gems rubinisiornissaminut Naalakkersuisunit akuerineqarpoq. Maanna amigaatigiinnalerpaa Kommuneqarfik Sermersuumi kommunalbestyrelsimit akuersissummik tunineqarnissani

Naalakkersuisut True North Gemsip Qeqertarsuatsiaat eqqaanni rubinisiorfissami aatsitassanik piiaanissamut atatillugu pilersaarutaat, tassa aatsitassanik tunisassiornermut aamma tunisassiorfiit pisariaqartut sanaartornissaannut pilersaarutit ingerlanissaat, tallimanngornermi majip 30.-anni akueraat.
Taamatut Naalakkersuisut tusagassiorfinnut nalunaarutikkut allapput.
Ttunisassiornissamut sanaartornissamullu akuersissuteqarneq iluarisimaarparput, suliassami ingerlaqqissinnaalersimmatigut. Sanaartornermut immikkoortumi aallartinnissarput qilanaaraarput, taamaalilluni sapinngisamik sukkanerpaamik tunisassiornerpiaq aallartissinnaaniassagatsigu”, Nick Houghton, TNG-mut pisortaanera oqarpoq.
Akuersissuteqarnermut  allakkiami piiaanissamut matusinissamullu atugassarititaasut aalajangersarneqarput. Taanna tunisassiornermut sanaartukkanullu sinaakkutissiivoq. Suliassami ilaasut tamarmik ilaatinneqassapput, ilanngullugit sulisunut isumannaallisaaneq peqqinnissarlu, avatangiisinik allanngutsaaliuineq, suliassami attaveqarnermik pilersitsinerit allarpassuillu. 
Tamatuma saniatigut Naalakkersuisut TNG-imut ”Impact Benefit Agreement” (IBA) akuersissuteqarfigaat, tassani siunertaalluni inuiaqatigiit aamma inuiaqatigiit aningaasaqarneranni suliassamit sapinngisamik annertunerpaamik iluaquserneqarnissaannik qulakkeerinissaq. IBA aamma Kommuneqarfik Sermersuumit akuersissuteqarfigineqassaaq. Tamanna pissaaq ataasinngorpat Kommuneqarfik Sermersuumi kommunalbestyrelsip ataatsimiinnerani.
– Nuannaarutigeqaara suliniut aallartinneqalermat tamannalu Kalaallit Nunaannut suliffissanik nutaanik, inuussutissarsiutitigut periarfissanik aamma isertitassanik neriunaateqarluarpoq, Inuussutissarsiornermut Aatsitassanullu Naalakkersuisoq Jens-Erik Kirkegaard, Siumut, oqarpoq.
Kommuneqarfik Sermersuumi Borgmesteri Asii Chemnitz Narup, kommunemi suliffissanut nutaanut iluarisimaarinnippoq: ”TNG najukkami sulisunik sulisoqarnissaminut pisussaaffeqarpoq. Tamanna kommunitsinnut iluaqutaassaaq minnerunngitsumik Qeqertarsuatsiaarmiunut.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER