Qeqertarsuatsiaat
Rubinisiorfimmut aningaasaliisoqarpoq
True North Gems Kalaallit Nunaannit suliffeqarfimmit aningaasaliiffigineqarpoq. Suliffeqarfik Greenland Venture aningaasaliisuuvoq
Kalaallit rubinisiorfimmik piginneqataassutaat annertusivoq, tamanna pivoq Greenland Venturep 26 million koruuninit naliginut True North Gems Greenland A/S-ip 7 procentia pisiarimmagu ullumi.
Greenland Venture A/S Namminersorlutik Oqartussat aningaasaliisarfigaat, True North Gemsillu canadami piginnittuanut aningaasaliilluni.
Taamaasilluni kalaallit rubinisiorfimmik piginneqataassutaat annertuseriangaatsiarpoq, tassami Greenland Venture pisineq sioqqullugu True North Gems Greenlandimi 0,58 procentimik piginneqataareerpoq. Piginneqataassutit 7,5 procentit sinnilaarlugit piginneqatigiiffimmi Aappaluttumi rubineqarfimmi piaasinnaanermut akuersissutilimmik maannakkut piginneqataalerluni.
Aningaasarsiorfigineqarnissaa
- Kalaallit Aappaluuttumi piaanermi sunniutissaat annertusingaatsiarparput Greenland Venturep pisortaa Karsten Høy oqarpoq, oqaluttuaraalu pisineq isumaliutigilluagaasimasoq.
- Aningaasat taama amerlatigisut nerriviup qaavanut iligutsigit taava piffissamut ungasinnerusumut isigaluni aningaasaliineruvoq nassuiaavoq. Rubinisiorfik upperaarput aammalu ingerlatsiviup iluanaarutaalluarnissaa upperalugu tamannalu peqataaffigerusupparput.