Aappaluttoq
Rubinisiorfik ukiuunera tamaat ingerlaannassaaq
Aappaluttumut akuersissutip tiguneratigut True North Gems Greenlandip akiliisinnaajunnaartup pigisaanik pisiortornissaminut LNS-ip piumasaqaatini naammassivaa. Piginnittut nutaat upernaamut utaqqinianngillat - ukiuunera tamaat rubininik piiaaniarput suliarinagillu tuniniarniarlugit
Ulluni makkunani LNS Greenland piiaaffimmi sulisussanik atorfinitsitsiortorpoq, qullersanik aammattaarli sulisartunik, ukiukkut silami maskiinamik ingerlatserusussinnaasunik.
Tassami rubininik piiaanissaminnut upernaamut nunap qeriunnaareerneranut aputillu aareerneranut utaqqinianngillat.
Piffissaq tamaat atorluarniarpaat
LNS Greenlandip Qeqertarsuatsiaat eqqaani Aappaluttumi rubinisiorfimmi rubininik piiaaniarnermini piffissaq tamaat atorluarniarpaa.
– Sulisussanik katersuileruttorpugut, pilersaarutaavorlu maani pisariaqartut kingulliit naammasseqqaalaassagivut. Maskiinat ilaat fabrikkip inersuaaniittut innaallagissamut attavilerlugit misiligarneqassapput, LNS Greenlandip pisortaaFinn K. Mortensen oqarpoq.
Ingerlanerliortoq
– Unitsitsisimavugummi True North Gems Greenlandimit aningaasanik pisarunnaaratta. Malugisinnaasimavarpummi ajortoqartoq, taamaattumillu pissutsit iluarsinissaannut unitsitsigallarniarluta aalajangersimavugut, LNS Greenlandip pisortaa oqarpoq.
Tassani pisortap innersuussutigaa rubinisiorfiup sivisuumik ingerlanerliorsimanera, taamaasilluni LNS Greenlandip rubinisiorfik, canadamiut aatsitassarsiorfiuteeraannit True North Gemsimit, 2004-miilli ingerlatsisimasumit maannali tamanik annaasaqarsimasumit, tiguvaa.
Allaaserisaq tamaat AG-mi ullumi pingasunngornermi saqqummersumi atuaruk. Aviisi aamma pisiarisinnaavat uani: