Qeqertarsuatsiaat
Rubininik tunisassiorneq ukioq manna aallartissaaq
Rubinisiorfissami, tammaarsimaffeqarluni, allaffeqarluni, peqqissaaveqarluni qulimiguulinnullu mittarfeqarluni nunaqarfeeqqatut isikkoqaleriartortumi, sanaartorneq sukkasuumik ingerlavoq
Nuummiit 160 kilometerinik kujasinnerusumi nunaqarfeeraq piffissap sivisunngitsup ingerlanerani pilersinneqarsimavoq. True North Gems 2004-mi misissueqqissaarinermik suliaqarluni aallartippoq taamanimiillu ukiut tamaasa tassaniittarsimalluni. Qeqertarsuatsiaat eqqaanni rubineqarfiit 30-t angullugit amerlassuseqartut maannamut nassaarineqarsimapput, ukiullu sisamat ingerlaneranni ujaqqanik misissugassanik suliareqqaagassanillu 165 tonsinik qalluisoqarsimalluni (48 tonsit ulloq manna tikillugu suliareqqaarneqarsimapput).
Atuaruk: Rubinisiorfik iluanaarutaanerussasoq
Sanaartorneq 2014-imi septembarip naalernerani aallartippoq, inuillu tunuliaqutaasut rubininik tunisassiornerup 2015-imi aallartinnissaat naatsorsuutigaat. Ullua suli ilisimaqqissaarneqanngilaq, Aappaluttumili aatsitassarsiorfimmi tammaarsimaffissaq naammassingajalerpoq.
- Ima siuarsimatigilereerpugut, allaat atortussat tamakkerlugit maanna suliarineqarlutik. Ilaat allanit siuarsimanerupput, taakkuali arlaannaalluunniit suli naammassivinnatik. Umiarsualivissaq aallartinneqarpoq, talittarfiullu ilaa aallartinneqareerluni, sulili naammassinani. Tammaarsimaffissaq aallartinneqareerpoq, sulisunullu 44-t missaannik amerlassusilinnut, tamarmik kisimiittarissanik ineqartussanut, inissat suliarineqarlutik. Kantiinaqarpoq igaffeqarlunilu, allaffeqarluni, ataatsimoortarfeqarluni, eqaarsaartarfeqarluni nakorsiartarfeqarlunilu. Atortussat tamangajavimmik atorneqalereerput, annikitsualuilli inaarsarneqarlutik, TNGG-mi (True North Gems Greenland) pisortaaneq, Bent Olsvig Jensen, oqarpoq
Aamma atuakkit:
Rubinisiorfimmut aningaasaliisoqarpoq
Rubinisiorfik nakkutiginninnermi nutaalianik atortoqassaaq
Sanaartorneq qanoq ingerlanersoq Sermitsiami sapaatip-akunnerani saqqummersumi annertunerusumik atuarsinnaavat, uani: