Rubinisiorneq
Rubiinit qaammatip tulliani saqqummiunneqassapput
LNS Greenland naapertorlugu Aappaluttumi tunisassiorneq pilersaarutit malillugit ingerlavoq. Ujaqqat manna tikillugu immikkut ilisimasalinnit Nuummi immikkoortiterneqartarput qanittukkulli Nuummiut suliassamik tamassuminnga ilinniartinneqassapput
Qaammatit pingajuata affaata missaata matuma siorna True North Gemsiumasup kiisami Aappaluttumi aatsitassarsiorfik ammarpaa, maannakkut Norgemiup LNS-ip erfalasuata ataani.
AG aviisi allappoq.
Taamanikkulli Kalaallit Nunaani aatsitassarsiorfituamit iluamik tusarsaasoqarneq ajorpoq, tassa ingerlatseqatigiiffimmi Nuummi immikkoortiterisarneq aallartinneqarmat syremik ajutoorneq ikinnerusunik qimarngussuinertalik eqqaassanngikkaanni.
Kisianni ingerlalluartorujussuuvoq, siulersuisuni siulittaasoq, Gunnar Moe oqarpoq. Taannali »tuniniaavinnut tunngasunik« oqaaseqarumanngilaq. Suleqataalersoq nakkutigilluarneqartorujussuuvoq, Norgemiu allakkatigut apersorneqarnermini paasititsivoq – oqaluinnarluni apersorneqarumannginnami.
Ukiaanerani tunisassiortoqarniarunartoq
- Aatsitassarsiorfimmi tunisassiorneq ingerlalluarpoq aamma pilersaarutit malingajavillugit ingerlavoq. Kisianni ukioru aatsitassarsiorfik qanoq sivisutigisumik ingerlatissanerlutigu nalussavarput. Immaqa unissaaq immaqaluunniit unissanngilaq, suli naluarput. Imaassinnaavoq qaarsup korundinit immikkoortiterneqarnera ukioru ingerlateqqiinnarneqassasoq, kisianni ukioq qanillitinnagu taamatut ittunik aalajangiissanngikkallarpugut aamma pisariaqartitsineq nalilersuiffigisinnaanngorlugu naammattumik tunisassiortoqareerpoq, taanna oqarpoq.
Matuma siuliani pissutaasut pissutigalugit manna tikillugu qanoq annertutigisunik aamma qanoq pitsaassusilinnik tunisassiorsimanerlutik pissuteqavilluni oqaatigiumanngilaa.
Rubinisiorneq pillugu allaaserisaq AG aviisimi tamakkerlugu atuaruk, taanna uani pissarsiarisinnaavat: