Skip to main content

Royal Greenland: Pisortaaneq tunngaviatigut isumalluartoq

Royal Greenland nalorninartumiileruttorpoq. Periarfissalli pissanganartut killingusaami takuneqarsinnaanerarneqarput: Periarfissamik nutaarluinnarmik »nunarsuaq tamakkerlugu tunisassianik annertuunik« ineriartortitseqqinneq.

Kalaallit Nunaat aalisakkanik qalerualinnillu nioqquteqarsinnaanermik tamakkiisumik isumalluuteqarpoq. Taamaattumik piffissami eqqoriaruminaatsumi matumani Royal Greenlandimi qanoq isumalluartoqartigineranut tunngasut alaatsinaassallugit immikkut pissutissaqarpoq. 

Tassami Brexitimik ajornartorsiutit nunarsuarmilu coronap maanna ukiut aappassaanni ajornartoortitsinerata atuutileruttorneranni nunatsinni ingerlatseqatigiiffiit annerpaartaat qanoq ingerlava?

Aviisip AG-p killiffissiorniarluni tuniniaanermut pisortaq Bruno Olesen suliffeqarfissuarmullu pisortaaneq Mikael Thinghuus apeqqarissaarfigai. Kingumut qiviarluni pisimasut alianartuupput, siunissamili pisussat isumalluarnarnerullutik.

– 2020 ukiuuvoq ajorluinnartoq. Tamatuma akerlianik 2022-mi nalinginnaanerusunut uteqqikannersinnaalernissarput upperaarput, pisortaaneq Mikael Thinghuus oqarpoq, taamalu oqarnini ilutigalugu isumalluarpalunnerusutut isikkoqaleriartuaarluni. 

– Amerika Avannarli niuerfinni 2020-mi angusarissaarfigilluarnerpaasimavarput, tamannalu siunissamut isumallualersitsivoq, Bruno Olesen ilassuteqarluni oqarpoq.

Akiuussutissat

Taavami ukioq 2021? 

Aap, pitsaanerpaajussagunanngilaq, aammali ajorluinnassagunarnani. Ukiutut ikaarsaariarfiusutut inissisimanerussaaq, angusanut ilaatigut Asiami ukiarumiit juullip tungaanut ingerlatat apeqqutaassallutik. Tamatumani Kinamiut ukiortaavat pingaarutilimmik inissisimaffeqarpoq. Taanna februaarip aallartinnerani nalliussineqartarpoq, sumiiffippassuarnilu raajat Kalaallit Nunaanneersut sassaalliutigineqartarnerat nalinginnaalluni.

– Pingaarnertut 2021-mut ilimagisarput tassaavoq, ukiup affaata siulliup ingerlanerani tunisat siuariartuleriissasut. Akiuussutissalersuinerit annertuumik ingerlanneqarput, tamatumalu peqatigisaanik nunarsuup affaani avannarlermi upernassalluni. Ataatsimut katikkaanni inuiaqatigiit ammariartulersinnaassapput. Isumalluarnartut aamma ilaapput, nunat angisuut aningaasaqarnerisa uissuumminartumik inissisimalluarnerat. Minnerunngitsumik Kinami siuariartortoqarnera takuarput, Mikael Thinghuus, Royal Greenlandip pisortaaneratut qanittukkut ukiunik qulinngortorsiortoq, eqikkaalluni oqarpoq.

Allaaserineqartoq aviisimi AG-mi tamakkiisumik atuarneqarsinnaavoq. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER