Skip to main content

Royal Greenland: Kinamiut amerlineqaqqissanngillat

Kalaallit Nunaanni suliffeqarfiit annersaat sulisussaaleqineq akiorniarlugu SIK-mi ilaasortanik sulisunik amerlanernik sulisoqarusuppoq. Tassa Kangianiit tikisitat 65-it ilaneqaqqinniaratik.

Ukiuni arlalinngortuni Royal Greenland sulisussaaleqinerujussua tamanit ilisimaneqarluarpoq. 2017-ip kingorna Kangianiit tikisitat ukiumik ataatsimik marlunniluunniit isumaqatigiissuteqarfigalugit tamanna qaangeriartorneqarpoq.

Kangianiilli tikisitat qanoq amerlatiginissaannik killilerneqarsimanersut Royal Greenlandip oqaatigaa.

Asiamiit angutit arnallu 65-it

Maanitsumi, Ilulissani aamma Uummannami Asiaminngaanneersut arnat angutillu ukioq kingullermisut 65-iunissaat Royal Greenlandip kissaatigaa. Aammattaaq Upernaviup eqqaani Tasiusami tunitsivimmi filippiinerinik sulisoqarpoq, sulisoqarnermut pisortaq Christian Laursen oqarpoq.

- Tunitsivinni kangianinngaanneersut sulisut amerlineqarnissaat pilersaarutiginngilarput. Nunaqavissut amerlanerit sulisoriinnarneqaannarsinnaaneranik paasiniaasussanik suleqatigiissitamik pilersitsinikuuvugut, sulisoqarnermut pisortaq oqarpoq.

Suleqatigiissitap taassuma ilaasortaaffigisaa ukioq manna suliaqarnini naammassissavaa.

- Royal Greenlandip nunaqavissunik piumanerulersimanera pitsaavoq. Uagutsinnut pitsaasupilussuuvoq. Sumiiffinnimmi arlallinni suliffissaaleqisorpassuupput. Taakkumi atorneqartariaqarput, SIK-mi siulittaasoq Jess G. Berthelsen oqaaseqarpoq.

Naak tunitsivimmi pisortap Susanne Olsenip Royal Greenlandip Maniitsumi tunitsiviani ukioq kingulleq Nuummi suliffeqarfimmi aqutsisut aammalu aviisi Sermitsiami kinamiut amerlanerusunik kissaateqarluni oqaaseqartarsimangaluartoq, Royal Greenland asiamiunik Kalaallit Nunaannut tikisitseqqissanngilaq.

Isumaqartupilorujussuaq

- Kinamiut tunitsivitsinni ingerlatsinermut isumaqartupilussuusimapput. Ukioq mannalu allannguuteqanngitsumik ingerlatsissaagut, assersuutigalugu Maniitsup tunitsiviani kinamiut 25-t sulisoralugit, sulisoqarnermut pisortaq Christian Laursen oqarpoq.

Tunitsivimmi pisortaanerup oqaatigaa kinamiut sulisut patajaalluinnartuusut piffissarlu eqqorlugu suliartortartut?

- Taamaaliortarput. Tassa, toqqissisimanerusmik tunisassiornerit ingerlassinnaalernikuuvaugut pisariaqartillugulu aamma arfininngornermi taamaaliorsinnaalluta. Ajorluinnartoqaraluarpat kinamiut tunisassiorsinnaapput, Christian Laursen oqarpoq.

Suna pissutigalugu sulisut ukioq manna Asiaminngaanneersut 65-t ilaqqinnianngilisigit?

- Nunaqavissut ataavartumik sulisorineqaannarnissat pillugu assigiinngitsunik suliniuteqarpugut. Suliniutit ilaat ilaatigut Sisimiuni tunitsivimmi iluatsissimasutut isikkoqarpoq. Tassa nunaqavissut pitsaanerusumik sulitissinnaalersimavugut. Uanili aamma politikkeqarpoq. Qaqugumorsuarli Asiamit tikisitat 65-iuaannassanersut ilisimanngilara. Tamanna piffissap takutikkumaarpaa, taanna oqarpoq.

Atorfeqartitaanermut atukkat

Christian Laursenillu nunaqavissut SIK malillugu akunnermusiallit suleqatitik Asiaminngaanneersut assigalugit aalajangersimasumik akissarsiaqalersinnaanerat akissuteqarfingerusunngilaa.

Suliaq aqutsisunit sulineq naammassineqarsimanngilaq, taamaakkaluartoq Maniitsumi Royal Greenlandip tunitsiviani ullumikkut sulisut 14-nit isumaqatigiissuteqarput.

- Royal Greenland SIK malillugu aningaasarsiallit amerlanerit Asiaminngaanneertutuulli aalajangersimasumik akissarsitittartiaqaraluarpaat. Uangalu aalajangiisinnaangaluaruma aamma amerlanernik akissarsitinneqartassangaluarput, SIK-mi siulittaasoq Jess G. Berthelsen oqarpoq.

Ukioq kingulleq Royal Greenlandip tunitsiviini 37-ni 2.700 sulisorineqarput. Ataavartumik atorfiit 1.000-t missaanniillutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER