Qasigiannguit

Royal Greenlandip sulisuilu isumaqatigiissuteqartut

Qasigiannguani tunisassiorfimmut tunngasunik sulisut innuttaasullu ataatsimiisinneqarneranni iliuusissanik, ilaatigut tunisassiorfimmi sulisut, aqutsisut, SIP-p aammalu Qaasuitsup Kommuniata akornanni suleqatigiinnerulernissamik qulakkeerinnittussanik isumaqatigiissuteqartoqarpoq

Tamanna Royal Greenlandip nittartagaani allaaserineqarpoq.

Qasigannguani tunisassiorfimmi pisut pillugit pingasunngormat ataatsimiissutigineqaqattaarput. Tunisassiorfimmi ullukkut aammalu unnuarsiorlutik sulisartut, aqutsisut tunisassiorfimmilu ingerlatsisoq immikkoortillugit ullup qeqqata siorna ualikkullu ataatsimiisinneqarput.

Qasigiannguani tunisassiorfeqarneq pillugu piffissami kingullermi nutaarsiassaqarneq tusatsiakkanik kinguneqarsimavoq, tamannalu sulisut akornanni avissaartuunnerannik kinguneqarsimavoq. Taamaammat tunisassiorfimmi ingerlatsisoq Frank Hagen pissutsit piviusut aallaavigalugit saqqummiisinneqarpoq.

- Eqqaamassavarput sulisut 85 procentii aalajaatsuullutillu pikkorissuummata. Taakku nersuarlaarlugillu qutsavissaraagut. Sulisulli sinneri ajoraluartumik ajornartorsiuteqarfigaagut, aalajaatsuunngimmata suliffimminnillu paarsilluarsinnaanngimmata. Sulinngitsoortarnerpassuit aalajaatsuunngitsullu akiorniarneqarsimapput, sulisunut ataasiakkaanut kinguneqartumik, Niels Ole Møller oqarpoq.

Powered by Labrador CMS