Skip to main content

Royal Greenlandip Saqqami ineriartorneq uninngatikkaa

Saqqami aalisartut piniartullu peqatigiiffiata aalisarnerup aalisartunut isertitanik annertuunik nunaqarfimmilu innuttaasunut suliffissanik ukiut ingerlaneranni qulakkeerinnissimasup annertunerusumik ineriartortinneqarnissaa kissaatigaa. Tamanna Royal Greenlandip maannakkumut qulakkeersimanngikkaa aalisartut piniartullu peqatigiiffiat isumaqarpoq

Saqqap Ilulissaniit 100 kilometerit missaannik avannarpasinnerusumiittup eqqaani aalisagarpassuaqartoq ilisimaneqarpoq, aalisarnermillu inuussutissarsiuteqarneq
nunaqarfimmi ukioq kaajallallugu suliffissanik pilersitsiffiusarpoq. Maannakkut suliffissaaleqisoqanngilaq.

Pissutsit taamatut inissisimanerat pissutigalugu Saqqaq nunaqarfitsialattut aammalu ineriartornissamut periarfissarissaartut, aalisartut piniartullu
peqatigiiffianniit aamma nunaqarfimmi aqutsisuniit nalilerneqarpoq.

Tamannalu pissutigalugu inuussutissarsiornikkut suli annerusumik ineriartortoqaqqinnissaa kissaatigineqarpoq. Taamaattoqassappalli Royal Greenland Saqqami tunitsiveqarnikkut annertusaasariaqarpoq. Kisiannili suliffeqarfissuup tamanna maannakkut suli piviusunngortissimanngikkaa isumaqartoqarpoq. Royal Greenlandili tunitsiveqarnikkut
periarfissat pitsaanerulersinneqarnissaat pillugu misissuilluni maanna aallartereerpoq. 

Saqqami aalisartut uummaarissumik aalisarnermik aallutaqarluartutut qangaaniilli ilisimaneqarput, aammalu ukiorpassuarni aalisarnermik misilittagaqarnermikkut aalisagaqarfiit lisimaarillualersimavaat. Taamaakkaluartorli qaleralinnik pisassanik killilersuinerup kingunerisaanik aalisartut uneqattaartumik aalisartariaqartarnikuupput, aalisarnermik inuussutissarsiuteqartunut annertuumik akornutaasartumik.

Allaaserisaq tamaat atuaruk, Qaasuitsup Kommunianilu pisut takullugit. Sapaatip akunneranut saqqummersartoq Tamanut Avannaani uani akeqanngitsumik aasinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER