Royal Greenlandip namminersortunngorsarnissaa Naalakkersuisut oqaluuseraat
Partii Naleqqap aamma aalisartut piniartullu kattuffiata KNAPK’p nunatsinni suliffeqarfiit annersaat namminersortunngorsarusuppaat
Aalisarnermut piniarnermullu Naalakkersuisup Hans Enoksenip piffissami kingullermi Namminersorlutik Oqartussat aalisarnikkut ingerlatseqatigiiffia Royal Greenland, aalisartoq, tunitsiviusoq, tunisassiortoq nunatsinniillu tunisassiassanik tuniniaasoq sakkortuumik isornartorsiorpaa.
Isornartorsiuininilu nangillugu Hans Enoksenip piumasaraa Royal Greenland namminersortunngorsarneqassasoq.
Namminersorlutik Oqartussat suliffeqarfiutaannut naalakkersuinikkut akisussaaneq Naalakkersuisunut siulittaasumi Kim Kielsenimiippoq.
Kim Kielsen isumaqatigiissuteqarfigereerlugu naalakkersuisoqarfimmi pisortap Søren Hald Møllerip uppernarsarpaa namminersortunngorsaanissamik apeqqut Naalakkersuisuni oqaluuserineqarsimasoq.
- Naalakkersuisulli oqaluuserinninnerat pillugu paasissutissiinissannut periarfissaqanngilanga, oqaatigisinnaavarali Naalakkersuisut siulittaasuata ukiup ataatsip matuma siornagut suliaq aallartimmagu Royal Greenland A/S-ip ilaannakuusumik tamakkiisumilluunniit namminersortunngorsarneqarnissaanut periutsunik misissuisoqarluni, Søren Hald Møller Sermitsiamut oqarpoq.
Sermitsiami atuaqqigit: