privatisering

Royal Greenlandip namminersortunngorsarneqarnissaa SIK-mit isumaqataaffigineqanngilaq

Sik-p ernummatigaa Royal Greenlandip namminersortunut tunineqarnerata kingorna suliffissaaleqisut suli nunatsinni amerlanerulissasut, namminersortummi akilersinnaanngitsumik illoqarfinni imaluunniit nunaqarfinni ingerlatsinavianngillat.

Jess G. Berthelsen
SIK-p ernummatigaa Royal Greenlandip namminersortunut tunineqarnerata kingorna suliffissaaleqisut suli nunatsinni amerlanerulissasut, namminersortummi akilersinnaanngitsumik illoqarfinni imaluunniit nunqarfinni ingerlatsinavianngimmata. Assimi siulittaasoq Jess G. Berthelsen

Sermitsiaq aviisimi kingullermi saqqummertumi atuarsinnaavat Aalisarnermut Naalakkersuisup Hans Enoksenip (PN), Royal Greenlandi namminersortunngorsarniaraa.

Tamannalu aalisartut piniartullu katuffiannit KNAPK-mit isumaqataaffigineqarluni.

Maannalu sulinermik inuussutissarsiutillit katuffiani siulittaasup Jess G. Berthelsen, Royal Greenlandip namminersortunngorsarneqarnissaa akerleralugu allaaserinnippoq.

Atuaruk: Royal Greenlandip namminersortunngorsarnissaa Naalakkersuisut oqaluuseraat

Akisusimavoq

Royal Greenlandip namminersortunngortinnissaa maanna piffissaanngitsoq, Jess G. Berthelsen isumaqarpoq.

Naluara puigutuneqisugut nunaqarfinni aammalumi illoqarfinni Royal Greenlandip tunitsivii arlallit namminersortunut tunniunneqarput, ukiulli arlaqanngitsunnguit qaangiutiinnartut akiliisinnaajunnaarlutik matupput, tamatumalu kingorna Royal Greenlandilu tunisassiorfiit aserfallassimaqisut aningaasarpassuit atorlugit aallaqqaataaniik aaqqissuuttariaqarlugit.

Inuiaqatigiit sinneqartoorutinik pissarsinavianngilat

SIK-p ernummatigaa Royal Greenlandip namminersortunut tunineqarnerata kingorna suliffissaaleqisut suli nunatsinni amerlanerulissasut, namminersortummi akilersinnaanngitsumik illoqarfinni imaluunniit nunqarfinni ingerlatsinavianngillat.

- Aamma namminersortut sinneqartoorutaannik inuiaqatigiit pissarsinavianngillat, SIK-p siulittaasua oqarpoq.

Royal Greenlandip namminersortunngorsarneqarnissaanut oqallinneq Sermitsiaq aviisimi atuaruk. Uani pisiariuk:

Powered by Labrador CMS