Skip to main content

Royal Greenlandip namminersortunngorsarneqarnissaa IA-mit isumaqataaffigineqanngilaq

Royal Greenlandip namminersortunngorsarneqarnissaa Partii Naleqqamit sulissutigineqarpoq, Naalakkersuisooqataasulli IA isumaqataanngilaq.

Royal Greenlandip namminersortunngorsarneqarnissaa naalakkersuisooqatigiit saqqumisumik akerleriissutigaat.

Aalisakkeriviup namminersortunngorsarneqarnissaa IA-p akerleralugu nalunaaruteqarpoq.

Atuaruk: Enoksenip Royal Greenland saassuppaa

- Namminersorlutik oqartussat pigisaannik Royal Greenlandimik namminersortunngorsaanissaq inoqarfippassuarnut ipititsiartuaartussaq akuersaarsinnaanagu inuit Ataqatigiinniik nalunaarutingaarput, Hans Aronsen (IA) tusagassiuutinut nalunaaruteqarpoq.

Aalisarnermut Naalakkersuisup Hans Enoksenip (PN) Royal Greenlandi namminersortunngorsarusullugu nalunaarutigeqqammerpaa. Taamaasilluni partiip qineqqusaarutigisimasai piviusunngortinniarsarilerpai.

Atuaruk: Royal Greenlandip namminersortunngorsarneqarnissaa SIK-mit isumaqataaffigineqanngilaq

Tamanalu IA-mit isumaqataaffigineqanngilaq.

- lisimaneqarnerluni Nunarput sineriassuaqartoq isorartoorsuarmik najungaqariuserpullu siamasissorujussuummat, naleqartitaniileraangattalu amerlasuutigut aningaasatigut akilersinnaassuseq eqqarsaatigissallugu pisariaaruttarpoq. Inuiattut ataatsimoorullugit naleqartitagut Inuit Ataqatigiinniik pingaartitaraavut, Hans Aronsen (IA) oqarpoq.

Nammernersortunngorsaanissamut periarfissat Naalakkersuisunit misissuiffigineqalereersimapput.

Atuaruk: Royal Greenlandip namminersortunngorsarnissaa Naalakkersuisut oqaluuseraat

- Naalakkersuisut siulittaasuata ukiup ataatsip matuma siorna Royal Greenlandip ilaannakoortumik tamakkiisumilluunniit namminersortunngorsarneqarsinnaanerata misissuiffigineqarnissaa aallaartereersimavaa paasissutiarisinnaavara, naalakkersuisoqarfimmi pisortaq, Søren Hald Møller, Sermitsiamut marsip pingajuanni oqarpoq.

IA Partii Nalerarlu naalakkersuisooqataanngikkallarmatali suliaq aallatinneqareersimavoq.

- Paaserusunnarpoq Naalakkersuisut tamanna ataatsimoorlutik eqqartorlugulu isumaqatigiissutigisimaneraat, Hans Aronsen (IA) aperivoq.

Royal Greenlandi namminersortunngorsarneqarnissaanut IA akuersaaqataassanngitsooq erseqqissaatigaa.

- Nunaqarfeqarpoq illoqarfeqarlunilu Royal Greenland-mit naalakkersuinikkut naleqartitat aallaavingalugit pisariaqartinneqartut tunngavingalugit tunitsiveqartinneqartunik, ilaatigut tassaapput nunarujussuup sineriattoorsuup najukkatta siamasissumik najungaqarfigisariaqarneranik pingaarutillit, Hans Aronsen (IA) oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER