Skip to main content

Royal Greenlandip canadami unammillertini pisiaraa

Sisamanngormat ullaap tungaani Royal Greenlandip nalunaarutigaa canadamiut aalisakkanik tunisassiorfiannut Quin-Sea Fisheriesimut aningaasaliilluni

– Royal Greenlandip nuannaarutigalugu nalunaarutigissavaa ingerlatsivik canadamiut aalisakkanik tunisaassiorfiannut Quin-Sea Fisheriesimut aningaasaliissuteqarmat.

Nunatsinni imarmeersunik tunisassiortoq aningaasaliissuteqartini pillugu tusagassiorfinnut nalunaaruteqarpoq.

Suliffissuit arfinillit
Canadamiut selskabiata Quin-Sea Fisheriesip pingaartumik saattuanik immallu nillertup raajaanik ukiumut 11.000 tonsit sinnilinnik tunisassiorlunilu tuniniaasarpoq, saniatigooralugit konksneglit, søagurkit, ammassassuit saarullillu imatorsuunngitsut.

Ingerlatsivik nunami arfinilinnik suliffissuaateqarpoq, ukiumullu canadamiut dollariinik 60 millionit sinnilinnik kaaviiaartitsisarluni, aalisarlualernerullu nalaani inunnik 700-t missaanniittunik sulisoqartarluni.

Tigusineq
Royal Greenlandip oqaatigisinnaanngilaa canadamiut ingerlatsiviannut Quin-Sea Fisheriesimut qanoq amerlatigisunik aningaasaliisimalluni, tunisisup tamanna isertuukkusussimammagu. Ingerlatsivimmik pisinermi akiata nalunaarutigineqarneq ajornera nalinginnaalluinnartuuvoq.

– Aallaqqaammut selskabimi piginneqatigiissutit amerlanersaat pisiaraavut, ukiullu arlalissuit ingerlaneranni piginneqatigiissutit sinneri tigussavagut. Taamaasilluni naggataatigut piginneqatigiissutit tamaasa tamakkiisumik pigilissavagut, Royal Greenlandip pisortaanera Mikael Thinghuus Sermitsiaq.AG-mut oqaluttuarpoq.

Piginnittut ingerlaannassapput
Quin-Sea Fisheries Fred Hopkinsimit Derrick Philpottimillu pigineqarpoq aqunneqarlunilu, taakkuali marluullutik ingerlatsivimmi ingerlaannassapput, Royal Greenlandip selskabimi piginneqatigiissutit amerlanersaat pisiarigaluarai.

Royal Greenland naapertorlugu Quin-Sea Fisheries ilisimaneqarpoq nukittuunik qullersaqarnerminik aammalu Newfoundlandimi Labradorimilu aalisartunik qanimut attaveqartuunerminik.

Royal Greenlandip pisortaanerata erseqqissarpaa tamanna aningaasarsiornikkut siuarsarnermi alloriarnerit siullersarigaat.

Sammisaqarfik avissaarsimasoq
– Sammisaqarfipput avissaarsimaffiusorujussuuvoq. Ingerlatsiviit annerpaalluunniit mikisutut isikkoqarput, pisiniarfiutileqatigiiffissuit annertuunngorlugillu pisiortartartut atuisartuisa pisisinnaassusaannut sanilliukkaanni. Tuniniaaviup pioreersup ineriartortinneranut nutaanillu pilersitsinissamut aningaasaliissuteqarusukkutta allisarnissarput, pingaarnerusumillu sammisaqarfitsigut suleqatigiinnissarput aalajangiisuupput, Mikael Thinghuus oqarpoq.

Royal Greenlandip aningaasaliinerata akuerineqarnissaanut apeqqutaavoq  tunisassiornermut akuersissutinut 'Change of operator'-inut, Quin-Sea Fiskheries Limitedip pigisaanut atatillugu, 'Provinsial Goverment of Newfoundland and Labrador'-ip akuersissuteqarnissaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER