Skip to main content

Royal Greenlandip AWG 2016 tapersersorpaa

Royal Greenland ilaatigut kalaallit imaanit nerisassaataanik nerisaqartitsinermut, ilassinninnernut kiisalu aaqqissuussinerni arlalinni nerersuartitsinernut pilersuissaaq

Royal Greenlandip qanittukkut aningaasaliissut Nanoq-mik taaneqartumik AWG 2016 atsioqatigaa, tassuunakkullu isumaqatigiissummut tamatigoortumut atsiorluni. Isumaqatigiissut naapertorlugu aningaasatigut, tunisassiatigut AWG2016-ip ingerlanneqarnerani nerisitsinissani, ilasseqatigiinnissani nerersuarnissanilu atugassanik aammalu piumassutsimik sulisussatigut, pikkorissarnertigut allatigullu tapiissuteqartoqassaaq.

AWG2016-imi pisortap Maliina Abelsenip pisortaanerullu Mikael Thinghuusip isumaqatigiissut sisamanngornermi decembarip sisamaanni atsiorpaat, taannalu atsiorneqarnerminiit 2016-imi marsip tungaanut atuutissaaq. Tamanna erserpoq tusagassiorfinnut nalunaarummi, AWG 2016-ip Royal Greenlandillu ataatsimut nassiussaanni. Aningaasaliissut Nanoq-mik taaneqartoq 1 million koruunit sinnerlugit naleqarpoq. Manna tikillugu Nanoq-mik aningaasaliisimapput Air Greenland, Nuna Fonden, Mittarfeqarfiit, Grønlandsbanken, Mentorix Moving Minds, KNB kiisalu Tele-Post.

– Inuiaqatigiinni akisussaaqataanerput naapertorlugu AWG2016-ip aallartinngilaattaani, ingerlanneqarnerani naammassereerneqarneranilu tapersersuinissarput pissusisamisoortiinnarparput. Soqutiginartorsiatut taasinnaavarput aalisakkanik panertunik peqqinnartutut tamulugassianik AWG2016-imi peqataasussanut immikkut naatsorsuussanik tunisassiorniaratta. Aamma inuusuttut 30-t missaanniittut Kalaallit Nunaannit tamaneersut pikkorissarnissaannut taamalu unammiuaarnerit ingerlanneqarneranni suleqataanissaannut kingornalu iluaqutigiumaagaannut annertungaatsiartumik aningaasaliissuteqarniarpugut, tusagassiorfinnut nalunaarut naapertorlugu Royal Greenlandimi pisortaaneq Mikael Thinghuus oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER