Royal Greenlandimi whistleblowereqarnermik aaqqissuussaq annertusitinneqassasoq
Royal Greenlandimit aalajangiunneqarsimavoq whistleblowerimik aaqqissuussaq annertusineqassasoq. Tamanna ukiup ingerlanerani aallartinneqassaaq.
Aaqqissuussaq Royal Greenlandip 100 %-imik piginnittuuffiini tamani atuullunilu eqqartuussisuseriveqarfimmit suliffeqarfim- mut attuumassuteqanngitsumit aqunneqassaaq, ingerlatseqatigiiffiup ukiumoortumik nalunaarutaani, sapaatip akunnerani kingullermi tamanut saqqummiunneqartumi allassimavoq.
- Tamakku ilaatigut makkuussapput: Aningaasaqarnikkut peqquserlunnerit tamatumunnga ilanngullugit iluanaar- niarluni peqquserlunnerit kukkunersiuinermilu nikingas- sutit, avatangiisinik mingutsitsinerit, sulinermi inuttullu piginnaatitaaffinnik unioqqutitsinerit matumani aamma meeqqanik sulisoqarneq taavalu pinngitsaaliilluni suli- sitsineq kiisalu inuussutissalerinermi isumannaatsuutit- sineq pillugu malittarisassanik unioqqutitsineq, Royal Greenlandimi siulersuisut ukiumoortumik nalunaarummi allapput.
Siunertaavoq aaqqissuussap ukiup ataatsip qaangiunnerani nalilersoqqinneqarnissaa, aamma allassimavoq, aalisakkerinermik suliffissuaqarfiup anguniagarigaa, whistleblowerimik aaqqissuussaq 2030-mi ingerlatseqatigiiffiup ilaannakortumik pigisaani atuutsinneqalissasoq.
Immikkut ittumik nalorninartut
Royal Greenlandimit ilisimaarineqarpoq, sulisut attuumassuteqartut atorfimminnut atatillugu nalorninartunik paasisimasaqarnissaasa pingaaruteqarneqarnera, tassa nunarsuarmi niuerfinni assigiinngitsorpassuarnik sullissinerminnut atatillugu nalorninarsinnaasunik paasisimasaqarnissaat.
- Royal Greenlandimi peqquserlulluni iluanaarniarneq akuerinngilarput. Taamatuttaaq akileraarutissanik peqquserlunneq, pinerlunnikkut aningaasarsianik malunnarunnaarsaaneq, aningaasanik paarisanik peqquserlunneq imaluunniit akiliilluni peqquserlutsitsineq, nalunaarummi ilisimatitsissutigineqarpoq.
Tamanna pissutigalugu, sulisut nalorninartunik nalaataqaratarsinnaasut ulluinnarni suliarisartagaannut nunanilu pissutsit atuuttut tunngavigalugit naleqqussakkamik ukioq ataaseq allortarlugu pikkorissartinneqartarput.