Royal Greenlandimi sulisut Tysklandimi sulilernissaannut neqeroorfigineqarput
Royal Greenlandip Aalborgimi tunisassiornini taamaatissavaa. Tamanna sulisunit akerlilerneqarpoq, maannali sulisut Tysklandimi sulilernissamut neqeroorfigineqarput
Nuussiniarnerup nalaani sulisut sulisoriinnarnissaannut suliunnaarnissaannullu isumaqatigiissusiornissaq sulisut suleqatigalugit isumaginiarneqarpoq. Taamatuttaaq sulisut Cuxhavenimi utaqqiisaagallartumik ataavartumilluunniit sulisorineqarsinnaanerat oqaloqatigiissutigineqassaaq.
Royal Greenland tusagassiutinut nalunaarummi allappoq.
Tunisassiorneq Tysklandimut Cuxhavenimut nuunneqassaaq. Tunisassiorfimmi sulisut 20-30-illu akornanniittut aalajangernermut akerliunertik takutinniarlugu sulinngillat ippassaq sisamanngormat. Tunisassiorfiup matuneqarnissaanut atatillugu paasissutissiinerup annikissimanera pissutigalugu akerliullutik. Sulisut ullumi tallimanngornermi sulinertik nangeqqippaat.
- Langerakimi sulisut misilittagaqarluarlutillu pikorissuusut pisariitsumik nuuttoqarnissaanut tunisassiornermillu ingerlatitseqqinnissamut peqataalluarsinnaapput. Taamaattumik neriuutigaarput sulisut peqatigalugit piffissami pisussami suleqatigiilluarnissatsinnut tunngavissarsiorniarpugut, Niels Kinnerup aningaasaqarnermut pisortaq tusagassiutinut nalunaarummi oqarpoq.