Royal Greenland: Canadami pisiortorneq nutaaq
Royal Greenland niuffaffinnut annernut ilaalerniarluni Canadami tunisassiorfimmik pisivoq. Peqqunnik pitsaalluinnartunik nunat tamalaat akornanni niuernissaq pilersaarutaavoq.
Nunat tamalaat akornanni peq- qunnik niuffaffinnut annernut i- laalerniarluni Royal Greenland misileraavoq.
Aviisi AG taama allappoq.
Ingerlatseqatigiiffissuup Newfoundlandimi illoqarfeeqqami 1.500-inik innuttaqartumi New Harbourimi tunisassiorfik – akianik taaneqanngitsumik akilerlugu – pisiaraa.
Tunisassiorfik pisiareqqammersoq atorlugu »Peqquk Newfound- landimeersoq« nunat tamalaat akornanni tuniniarnissaa Royal Greenlandip takorluugaraa.
Aningaasaliingaatsiarnerit
- New Harbourimi tunisassiorfimmut annertuumik aningaasaliinissarput pilersaarutigaarput. Peqqunnik uumatillugit tunisassiorsinnaaneq pilersinneqassaaq, Royal Greenlandimi najukkami pisortaq Simon Jarding taama nalunaaruteqarpoq.
»Peqqunnik pitsaanerpaanik« tunisassiornissaq anguniagaasoq oqaatigaa.
Aningaasaliineq pilersaarutinut ataneqarpoq. Canadami sulianut patajaallisaanermut ilaatinneqas- saaq, tamaanimi raajartassiissuti- nit saattuartassiissutinillu anner- tuumik sunniisoqartarpoq.
Allaaserisaq Royal Greenlandip aningaasaliineranut tunngasut tamakkiisoq AG-mi atuaruk. Aviisi uani nassaarisinnaavat: