Royal Greenland USA-mi suliaminik annertusaasoq

Royal Greenlandip Amerika Avannarlermi tuniniaasarnini pilerisaarisarninilu annertusarpai, isumaqarlunilu USA-mi tunisaqartarnermi annertunerulersineqarsinnaanerat tunngavissaqartoq.

Royal Greenlandip Amerika Avannarlermi niuerutigisartakkani annertusarpai, martsillu aallaqqaataani atuutilersumik Søren Dalsager ingerlatseqatigiiffiup Bostonimi immikkoortortaqarfiani, Massachusetts, Royal Greenland US, Inc, pisortaanertut atorfinitsissimallugu.

Pisortamik nutaamik, 1999-imiit 2008-mut Royal Greenlandimi atorfeqarsimasumik atorfinitsitsinerup saniatigut naatsorsuutigineqarpoq, qaammatini aggersuni Amerikami tuniniaasarfimmi sulisut amerlineqassasut.

Neriulluarneq

Royal Greenlandimit Amerika Avannarlermi aalisakkanik qalerualinnillu pitsaalluinnartunik tunisaqartarnissaq neriulluarfigineqarpoq; saattuat, peqqussuat, raajat issittup imartaaneersut, qalerallit, saarulliit, kullerit aalisakkallu allat Amerikami piumaneqarluartut, ingerlatseqatigiiffik nittartakkamigut ilisimatitsivoq.

Powered by Labrador CMS