sanaartorneq
Royal Greenland tunisassiorfiliortoq
Royal Greenland Upernaviup pigisaani Aappilattumi 2017-p naalernerani piareertussamik tunisassiorfiliulerpoq.
Tunisassiorfik atuuttoq isaterneqassaaq inigisaanilu tunisassiorfik nutaaq sanaartorneqarpat quersuaq qerititsiviutigisoq 300 tonsinik ilioraavigineqarsinnaanngussaaq. Tunisassiorfik nutaaq atuutilerpat aalisartut ukioq naallugu tunisisinnaalissasut Royal Greenlandip nittartakkamini paasissutissiissutigaa.
- Tunitsiviup isaterneqarnera junimi 2017-imi aallartinneqassaaq. Isaterneqareerpat tunisassiorfik nutaaq sanaartorneqalissaaq, Upernavimmi Royal Greenlandip tunisassiorfiini tunisassialerinermi ingerlatsisoq Flemming Andersen oqarpoq nangillunilu:
- Ilutigalugu aalisakkat niaquerlugit peperuikkat tunisassiarilissagatsigit sulisut ukioq naallugu sulisinnaalissapput.
Sulisut quliusut tunisassiorfik nutaaq atuutilerpat pingasunik ilaneqarumaartut tunisassialerinermi ingerlatsisup naatsorsuutigaa.
Tunisassiorfik nutarterneqarluni allineqassaaq
Taamatuttaaq Kullorsuarmi tunisassiorfik nutarterlugu containerinik qerititsiviutigisunik nutaanik ivertissuiniarlu Royal Greenlandi pilersaaruutigaa.
- Manna containerit qerititsiviit arfiniliusut qulinik ilaneqassapput. Containerit qerititsiviit ilanerisigut neriuutigaarput ukiumi sikuunera tamaat aalisartut tunisisinaalissasut. Qerisunik annertunerusunik inissaqartitsinerulernikkut sulineq ingerlaavartoq atuutsinneqarsinnajumaartoq neriuutigaarput. Neriuutigaarputtaaq sulisut suliassaarunneq pissutigalugu angerlartiinnartariaqartarneri pinngorsoortissannaalerumaarlutigu, Flemminga Andersen oqarpoq.