Torrak
Royal Greenland Tuluit Nunaanni saarulleerluarpoq
Saarullit seernartulikkat Royal Greenlandip tuniniagai nutaat Tuluit Nunaanni pisiniarfeqarfissuit ilaata ASDAp pisisartuisa alutorilluarpaat
Saarullinik tunisassianik nutaanik Royal Greenland inerisaanermini tuluit mamarisaannik sanasimavoq. Tassaapput saarullik chililimmik seernarsaasigaq aamma hvidløgilinik urtinillu akulimmik seernarsaasigaq tuluit angerlarsimaffippassuini mamarineqalersimasut. Royal Greenland taama unnersiorpoq.
Tuluit pisiniarfissuini pisiassat akornannut nioqqutit anngutsiniarnerat imaannaanngilaq unammilleq sakkortoqimmat.
- Naak unammilleqatigiinnerup tungaatigut pissutsinik ilungersunartunik nalaataqarnerput pissutigalugu nutaanik nutaaliorfiusunik tunisassianik saqqummiussineq unammillernartoqangaatsiaraluartoq Tuluit Nunaanni niuernermi tunisassianik iluatsilluartumik nioqqutaalereersunik saqqummiussisinnaagatta tulluusimaarutigaarput, suliami ataqatigiissaarisoq Maureen Sørensen Royal Greenlandip nittartagaani issuarneqarpoq.