suliffeqarneq
Royal Greenland suliffinnik nutaanik 200-nik pilersitsisimavoq
Ukiup ataatsip kingulliup ingerlanerani Royal Greenland nunatsinni suliffinnik 200-nik pilersitsisimavoq. Suliffissarsiortut ikiliartorneranni tamanna attuumassuteqarpoq
Suliffeqarferujussuit Royal Greenlanditut ittut ingerlalluaraangata, suliffeqarfimmut kisimi iluaqutaaneq ajorpoq. Royal Greenlandimi pisortaaneq Mikael Thinghuus, pingasunngornermi 2016-imut naatsorsuutinik aatsaat taama pitsaatigisunik saqqummiussisoq, taama isumaqarpoq.
Atuaruk: Royal Greenlandip naatsorsuutit aatsaat taama angusarissaartigisut saqqummiuppai
- Ukiut arfinillit tulleriiginnaat siuariarpugut, taamatullu ingerlajuarneq suliffeqarfimmuinnaq pitsaasuunngilaq, aamma Kalaallit Nunaannut iluaqutaavoq, Mikael Thinghuus oqarpoq.
Suliffiit nutaat 200-t
Ukiup ataatsip kingulliup ingerlanerani suliffiit 200-t missaanniittut pilersissinnaasimallugit, Royal Greenland ukiumoortumik naatsorsuutinik oqaluttuaraa.
Suliffiit ilaat piffissap affaannaanoortuupput, kisianni piffissap affaannaani sulisut marluk ataatsimoortikkaanni sulisumut ataatsimik ilassuteqartitsisarput.
Atuaruk: Amerlanerit suliffeqalersimasut
Suliffissarsiortut ikileriarnerani nutaarsiassaq takkuppoq. Ukiormanna kvartalimi siullermi ukiumut siulianut sanilliullugu suliffissarsiortut 636-nik ikinnerulersimasut, Sermitsiaq.AG-p marlunngornermi oqaluttuaraa.