sulisussat
Royal Greenland Kinamiunik amerlanerusunik aallerniartoq
Maniitsoq Kalaallit Nunaanni Kinamiunut »illoqarfiit pingaarnersaasoq«
Nunatsinni aalisarnermik ingerlatseqatigiiffissuaq Royal Greenland piffissami aggersumi nunatta qeqqani avannaanilu suliffissuaatimini sulisussanik Kinamiuk 27-nik tikisitsiniarpoq, Kinamiullu 35-t 2017-imi atorfinitsinneqartut peqatigalugit Naalagaaffimmit Qiterlermit sulisut 62-iulissapput.
Aviisi Sermitsiaq taama allaaserisaqarpoq.
Aamma atuaruk: Kinamiut siulliit tikittut
Agguassasut
Kinamiut 35-t 2017-imi atorfinitsinneqartut ilaat qulit Uummannamiipput, arfineq pingasut Ilulissaniillutik 17-inillu Maniitsumiillutik. Sulinissamut akuersissutaat ukiunut marlunnut atuuppoq, Kinamiullu atorfitsik 2018-imi pigiinnassavaat.
Kinamiut 27-t nutaat ima agguaanneqassapput Maniitsumi arfineq pingasuussallutik, Sisimiuni tallimat, Ilunissani qulit Upernaviullu eqqaani sisamat.
Aamma atuaruk: Kiinamiut tunisassiorfinniinnerat iluatsittumik oqaluttuassartaqartoq
– Qeqqat Kommuniani kommunalbestyrelsip Royal Greenlandip Maniitsumut Sisimiunullu Kinamiunik 13-inik suliartortitsinissamik qinnuteqaataa akueraa, sulisoqarnermut pisortaq Jens K. Lyberth Sermitsiamut oqarpoq.
Tamanna pillugu aviisimi Sermitsiami paasisaqarnerugit. Aviisimut elektroniskiusumut uani ataani isissutissarsisinnaavutit: