Skip to main content

Royal Greenland aalisartunit unammillerneqartoq

Avannaa Seafood ApS Uummannami aalisakkerivimmik aappaagu ammaappat qalerallit sakkortuumik unammillissutigineqalissapput. Royal Greenland imminut illersorniarpalaartumik inissisimavoq, siunissamili unammillerneqalernissaminut ernummateqarani

Avannaa Seafood Aps apriilimi pilersinneqartoq, Uummannami aalisakkerivimmik nutaarluinnarmik sanaartuleruttorpoq.

Aalisakkeriviup februaarimi naammassineqareersimanissaa naatsorsuutigineqarpoq, tamatumalu kingorna pingaartumik qaleralinnik tigooraalissalluni. Taamaalilluni Royal Greenlandip suliffissuanut illoqarfimmi inissisimalluareersumut toqqaananrtumik unammillertinngussaaq. 

Royal Greenland tamatuma sanitigut nunaqarfinni Ikerasammi, Saattuni Nuugaatsiamilu aalisakkeriveqarpoq.

Avannaa Seafood Aps-imi taamalu aalisakkerivimmik nutaamik piginnittut tassaapput aningaasaliisut 17-it, ilaatigut umiatsiaararsortut kutterinillu piginnittut.

Frans Heilmann, suliffeqarfimmik pilersitseqataasoq, paasissutissiilluni oqarpoq, suliffeqarfimmik nutaamik pilersitsinissamut pilersaarutit piffissami sivisuumik pilersikkiartuaarneqarsimasut. Maannalu aningaasalersuinissaq niuernermillu ingerlatsinissamut pilersaarut inaarutaasoq inissillutillu ilusinipput, Uummannamilu nivariarneq siulleq ingerlanneqareersimalluni.

Aallisartorpassuit Uummannap eqqaaneersut suliniuteqartut kaammattorsimavaat Uummannami suliffeqarfimmi aalisakkerivittalimmik, suliffissanik qulit angullugit amerlassusilinnik pilersitsisinnaasumik, aallartitseqqullugit.

– Umiatsiaararsortorpassuit kutterinillu piginnittut Uummannameersut eqqaaneersullu piginneqataanissamut soqutiginninnermik ersersitsisimapput, tamatumalu kingorna aalangiunneqarluni pisassiissutit pissarsiarisimasatik namminneq aalisakkeriviutiminnut tunisarpatigik piginneqataalissasut, oqarpoq.

Suliffeqarfik nammineq pisassiissutinik pigisaqanngilaq, aalisartulli piginneqataalersut pisassiissutinik peqarlutik. Qaleralittassat tamarmiusut 1.500 tonsit missaanniissapput, taakkualu aalisakkerivimmi tunisassiarineqassallutik.

Taamaattumik Frans Heilmann isumaqarpoq, Avannaa Seafood Aps Royal Greenlandimut unammillertitut isigineqarsinnaanngitsoq, suliffeqarfimmik piginneqataasut pisassiissutinik pigisaminnik aalisakkerivittaamut tunisisassammata. 

Avannaa Seafoodip umiarsuaq tunitsivik Sermilik 23-t missaannik inuttaqartoq upernaarli  Uummannap Upernaviullu eqqaanniitissimavaa. Umiarsuarli maanna atorneqarunnaarpoq. Suliffeqarfillu aningaasartuutit appasitsikkumallugit piffissami aggersumi umiarsuarmik minnerumaamik tunitsiviliinissamik pilersaaruteqarpoq.

Allaaserisaq tamaat atuaruk aammalu Qaasuitsup Kommunia pisut annertuut annikitsut takukkit. Sapaatip akunneranut saqqummertartoq Tamanut Avannaani uani akeqanngitsumik aasinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER