Skip to main content

Royal Arctic Linep containerinik tukattumik nassiussuineq suli ilungersuutigaa

Ryoyal Arctic Linemi suli tukattumik ingerlasoqarpoq, it-systemip nutaap atulerneqarnera pissutigalugu, containerit sorliit usilersorneqarnersut imaluunniit usingiarneqarnersut paasisinnaanagit.

Containerit 23-it kukkusumik suliarineqarsimasut, sapaatip akunnerani 28-mi umiarsuaatileqatigiiffimmit naatsorsuinerup nutaap takutippaa. Kukkunerit procentinngorlugit 2,3-iusut, tamannalu sapaatip akunnerini marluni qaangiuttunit minneruvoq, taakkunani kukkunerit procentiat 6,1-iulluni aamma 2,7-uvoq.

Kukkunerit kisinneqarnerat
Tamatuma saniatigut umiarsuaatileqatigiiffik Aalborgimi containerinik 15-inik usilersukkanik ''nalunaarsorneqanngitsunik'' peqarpoq.

Sapaatip akunnerani 28-mi kukkunerit kisinneqarnerat:

  • Usilersugassaagaluit usilersorneqanngitsut: Containerit 8
  • Usilersorneqartussaanatik usilersukkat: Containerit 10
  • Usingiakkat usingiarneqartussaanngitsut: Containerit 5
  • Usingiakkat nalunaarsorneqanngitsut: Containerit 15

Aamma atuaruk: Royal Arctic Line ajutoornernik nangitittoq

It-systemip nutaap atulerneranut atatillugu kukkunerassuit pilersinneqartut iluarsineqarnissaat neriuutigalugu, umiarsuaatileqatigiiffiup pisortaata Verner Hammekenip siornatigut oqaatiginikuuaa.

Kukkunerit ajornerpaat aaqqinneqartut
- Systemi sapaatip akunnera allortarlugu nutarterneqartarpoq, kukkunerit amigaataasullu ajornerit iluarsineqangajalerput. Juunip qiteqqunnerani siornatigut oqaatigereerparput, kisianni juulip qiteqqunnerani upernaami kukkunerit ajornerpaat iluarsinissineqassapput, RAL-imi pisortaaneq aviisimut Sermitsiamut juulip aallaqqaataani oqarpoq.

Pisortaanerup siulittuutigisai eqqortuussappata, sapaatip akunneranut 29-mut kisitsisit allaanerungaatsiartussaassapput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER