Skip to main content

Royal Arctic Linep amigartoorutini affaannanngortippai

2015-imi ukiup affaani siullermi akileraaruteqarneq pitinnagu angusat 15,1 million koruuninik umiarsuaatileqatigiiffik sinneqartoorpoq

Suliffeqarfik Namminersorlutik Oqartussanit pigineqartoq Royal Arctic Line 2015imi ukiup affaani siullermi akileraaruteqarneq pitinnagu angusat 15,1 million koruuninik sinneqartoorpoq. 

Suliffeqarfik nalunaaruteqarpoq.

2014-imi akileraarneq pitinnagu angusat amigaartoorutit 31 million koruuniusimallutik. 

Aningaasaliinerit
Ukiunili aggersuni maanna angusat tamaviaarnartumiilissapput, assartuisinnaanerup annertusarnissaanut attavilersuinermullu aningaasaliinissat pisariaqartut aggermata, Royal Arctic Line ilisimatitsivoq.

- Qattuneq sivingajaarsuaq qaqiniagassarilissavarput majuariaalu maanna tikilivipparput, siulersuisuni siulittaasoq Kuno Fencker oqarpoq. Taamaattumik aningaasartuutit maanna nakkutigineri qitiusorujussuupput piffissamilu aggersumi suliniutit aallartinneqareersut ilassusersorneqalissapput, iliuutsinik aningaasartuutinik apparsaataaqataasinnaasunik.

Ukioq manna ukiup naanerani 2016-illu aallartinnerani Royal Arctic Line-imut umiarsuit nutaat tallimat tunniunneqartussaapput 2016-illu naalernerani Nuummi terminal-issaq nutaaq naammassineqartussaassalluni. Terminal-itaassaq Sikuki Nuuk Harbour A/S-imit sanatinneqarpoq tassanngalu attartortussaavoq Royal Arctic Line. 

-  Umiarsuit umiarsualivillu siunissamut aningaasaliinerupput. Suliffeqarfiup iluani taakku annertuumik allannguissapput, iluaqutilli tamarmik ataatsikkut malunniunnavianngillat. Aningaasartuutilli erngertumik sunniuteqartussaapput. Kalaallit Nunaannut pingaartuupput assartuinermi akit aalajaatsut taamaattumillu aningaasartuutit maanna nalunngisagut ikilisartariaqarpagut, Kuno Fencker oqarpoq. 

Sipaarutit
Siulersuisuni siulittaasup naqissuserpaa, unammiugassat killingusaami ersereersut nammassinnaajumallugit qaammatini tulliuttuni piareersartoqassasoq. 

- Pisortaanertaap Verner Hammeken-ip qaammatip ataatsip matuma siorna ivertinneqarneratigut atoruminarsaaneq, aningaasartuutikillisaaneq iliuutsillu allat aallartinneqarput. Sorpiaat iliuuserineqarnissaat siusippallaarpoq oqaatigissallugit, kisianni periarfissat tamarmik malersorneqassapput piginneqatigiiffiullu piaarersimaffigivaa suliassat qanoq aaqqinniarnissaat isummersuutigissallugu isumatusaartumillu allannguiffiusinnaasut piviusunngortissallugit, siulersuisuni siulittaasoq naggasiilluni oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER