Nikinneq
Royal Arctic Linemi pisortat nutaat inissittut
Royal Arctic Linep pisortaanertaavata, Verner Hammekenip, aqutsisussani inissippai. Aqutsisuni ilaasortat marluk umiarsuaateqarfik qimappaat
Jens Andersen ukiut 14-it matuma siorna pisortanngorsimasoq taarserlugu, Verner Hammeken aggustip aallaqqaataani Royal Arctic Linemi pisortaaninngorpoq.
Atuaruk: Aajuna Royal Arctic Linemi pisortaq nutaaq
Maannalu umiarsuaateqarfimmi siuttup aqutsisussat inissippai, suliffeqarfik Namminersorlutik Oqartussanit pigineqartoq tusagassiorfinnut nalunaarummi taama allappoq.
Marluk anisut
Allannguut uissuumminartoq tassaavoq, aqutsisoqatigiiusimasuni ilaasortat marluk umiarsuaateqarfik ukiumi nutaami qimassammassuk.
Tassani pineqarput Aalborgimi Royal Arctic Logisticsimi pisortaq, Lars Østergaard, novemberimi 2012-mi atorfinittoq, aammalu ukiorpassuarni suliffeqarfiup attaveqatigiinnermut pisortaa, Jakob Strøm.
Aqutsisut qulit
Pisortaanerup Verner Hammekenip saniatigut aamma uku pisortaapput:
- Lars Borris Pedersen, Tuniniaanermut Sullissanillu kiffartuussinermut pisortaq
- Ann-Britta A. Hansen, Attaveqatigiinnermut ussassaarinermullu pisortaq
- Dragan Kesic, IT
- Tommy Ege Kristensen, Qullersaqarfimmi allattoqarfik
- Helena R. Kristiansen, Sulisoqarnermut pisortaq
- Jens Boye, Umiarsuarnik ingerlatsineq
- Bent Ole Baunbæk, Aningaasaqarneq, CFO
- Taitsiannguaq Olsen, COO
- Niels Clemensen, Attaveqarfiit suliniutinillu pilersaarusiorneq
Atuaruk: Royal Arctic Linemi pisortap tullia suliunnaalerpoq