Rosingimut nersornaat: Ersarilluinnartumik paasissutissiisartoq

Minik Rosing ullumi Svend Bergsøes Fondip paasissutissiinermut nersornaasiuttagaa pissarsiaraa

Minik Rosing uummassusillit pisoqaanerpaartaanik takussutissanik Isuani nassaarnikuuvoq, taassuma nammineq ’inuunerup kuisinnermut allagartaanik’ oqaatigaa – tassanilu uumassusillit pinngorsimanerat siusinnerusumut nikisingaatsiarpaa. Taanna ilisimatusarnikkut angusaasa ilagiinnarpaat, tamatumalu kinguneranik Minik Rosing nunani tamalaani ilisimatuuni immikkut ataqqineqartut ilagaat.

Ullumikkut nersornaatisiani aqqutissiuisumik ilisimatusarnerminut tunngatillugu pissarsiarinngilai, kisianni taakku pillugit oqaluttuallaqqinnini pissutigalugu.

Astrofysiker Anja C. Andersen overrækkker prisen til Minik Rosing

- Minik Rosingip pimoorussisuunermigut tusarnaartut siammasissut ilisimasaminut annertuumut paasisanullu nutaanut ilanngutsittarpai. Tusarnaartut immikkut ittumik alapernaalersittarpai, oqaatsinillu paasinartnik oqariartuutit ersarissumik saqqummersittarlugit, astrofysikeri aamma professor Anja C. Andersen, Svend Bergsøes Fonden sinnerlugu nersornaat tunniukkamiuk taama oqarpoq.

- Minik Rosingip ilisimasanik paasissutissiisarnera ilisimatusarnermut, inunnut aamma Kalaallit Nunaannut tunniusimanerujussuarmik aallaaveqarpoq.

Nersornaatisisoq nammineerluni nersornaat oqalugiaatigineqartorlugu killitsissutigaa, ingammillu taanna paasissutissiinermut nersornaat pissarsiaralugu nuannaarutigaa.

Walter Turnowsky

- Qanoq angusaqarnerluta oqaluttuarinissaanut piffissamik atuinerusariaqarpugut. Imaluunniit annermik: Angunngisarput paasissutissiissutigalugu. Oqaluttuarneq angusat oqaluttuarinissaannut kisimi tunngassuteqanngilaq, iliuutsigut sooq iliuuserinerlugit oqaluttuarinissaanut tunngavoq, ilisimatuutullu suna anguniarneripput. Taamaattumillu paasissutissiinermut nersornaammik pissarsilluni nuannertorujussuuvoq, taanna oqalugiaammini oqarpoq.

Powered by Labrador CMS